За адказам на гэтыя пытанні мы звярнуліся да начальніка аддзела жыллёва-камунальнай гаспадаркі райвыканкама Ірыны Пракопчык. З яе слоў дазналіся, што ў раёне 3394 лазні, з якіх пераважная частка (3373) у прыватнікаў, і 38 душавых. У тым ліку 14 лазняў маецца ў 13 аграсядзібах, адна — грамадская лазня п. Глуша — на балансе УКП “Жылкамгас”.

Глушанская лазня (разлічана на 25 памывачных месцаў) хоць і абслугоўвае жыхароў не толькі дадзенага пасёлка, але і вёсак Глуша, Двор Глуша, Дойнічава, Масты, Кіслоўшчына, Пасека, Трусаўшчына, Ленінцы, Рымаўцы, Палошкава (1614 чалавек) — далёка не рэнтабельная. Пры вытворчай магутнасці 5300 чал./памыўкі у год яе фактычная загрузка за мінулы год склала 1337 чал./памыўкі або 25,2%. Фактычная загрузка лазні за 9 месяцаў бягучага года — 757 чал./памыўкі ці 19,4%. Пры гэтым, у 2018 годзе быў выкананы цякучы рамонт лазні, яна адпавядае сучасным патрабаванням і запытам наведвальнікаў. На базе аб’екта аказваюцца паслугі парыкмахера. Каб знізіць выдаткі на ўтрыманне, лазня функцыянуе 1 раз на тыдзень. Цана адной памыўкі — 4,7 руб.

***
Рамантуюцца, пры неабходнасці, лазні і ў аграсядзібах. На сёння ўзаемасувязь паміж прыватным бізнесам і раённым выканаўчым камітэтам у часці аказання паслуг лазні і душавых насельніцтву наладжана. Апошнія за вызначаную плату гатовы аказаць і аказваюць вяскоўцам на аб’ектах агратурызму, якіх у раёне нямала, у прыватнасці — аграсядзібы “Ізабэла” і “Ранчо” ў аг. Леніна, “У Шчаткава” — у аднайменным населеным пункце, «Тры ільвы» — у в. Сычкава, “Воля” — у в. Лысая Горка, “У Пятровіча” — у Новай Шараеўшчыне, “Адпачынак плюс” у Вішнёўцы, сядзіба “Церамок” ў аг. Міхалёва, “Спадчына” — у Глушы, “Тихий омут” — у в. Дойнічава. Зрэшты, прыватным бізнесам прадугледжаны прэферэнцыі ў частцы аказання дадатковых бясплатных паслуг наведвальнікам (саўна, басейн, кухня, пакоі адпачынку і г.д.). Таксама для памыўкі сяльчанамі — работнікамі сельгасвытворчасці, выкарыстоўваюцца лазні сельгасаб’ектаў.
— Зацікаўленымі службамі раёна рэгулярна праводзяцца санітарна-эпідэміялагічныя і пажарныя маніторынгі стану лазняў, іх вынікі абмяркоўваюцца на рабочых планёрках у намесніка старшыні райвыканкама штоквартальна. Інфармацыя аб паслугах лазняў даводзіцца да вяскоўцаў падчас правядзення пашыраных сходаў з насельніцтвам і дзён інфармавання, — адзначыла Ірына Пракопчык.
Як ужо было сказана, — амаль у паловы з болей чым 8 тысячы хатніх гаспадарак раёна маюцца ўласныя лазні, і “банны дзень” сяльчане ладзяць не выходзячы з двара.

Алена КАРПЕНКА.