Лідары раённага прафсаюзнага руху абмеркавалі прапановы па ўнясенні змен у Канстытуцыю
Савет Бабруйскага раённага аб’яднання прафсаюзаў на чале са старшынёй Людмілай Балакер сёння абмеркаваў становішча ў краіне і выпрацаваў пастанову “Аб прапановах па ўнясенні змен у Канстытуцыю Рэспублікі Беларусь”. Удзел у мерапрыемстве прыняў і старшыня Магілёўскага абласнога аб’яднання прафсаюзаў Дзмітрый Янкоў.
У дакуменце, у прыватнасці, значыцца, што раённае аб’яднанне прафсаюзаў прапаноўвае падтрымаць і ўнесці змены ў Канстытуцыю Рэспублікі Беларусь. Сярод іх — удасканальваць мясцовае кіраванне і самакіраванне праз аптымізацыю сельскіх Саветаў дэпутатаў шляхам дэлегіравання паўнамоцтваў раённаму Савету дэпутатаў і сельвыканкамам з улікам колькасці насельніцтва адміністрацыйна-тэрытарыяльнай адзінкі; падтрымаць дзеянне артыкула 5 раздзела 1 “Асновы канстытуцыйнага ладу” Канстытуцыі Рэспублікі Беларусь па садзеянню, выяўленню і выражэнню палітычнай волі грамадзян, удзельнічаючы ў выбарах, і забароне стварэння і дзейнасці грамадскіх аб’яднанняў, якія маюць за мэту гвалтоўнае змяненне канстытуцыйнага ладу ці вядуць прапаганду вайны, сацыяльнай, нацыянальнай, рэлігійнай і расавай варожасці.
Раённаму аб’яднанню прафсаюзаў, згодна з пастановай Савета, неабходна накіраваць зацверджаныя прапановы па зменах у Канстытуцыю Рэспублікі Беларусь у Магілёўскае абласное аб’яднанне прафсаюзаў. Кантроль за пастановай ускласці на Прэзідыум Савета Бабруйскага раённага аб’яднання прафсаюзаў.
Ул. інф.