У Бабруйскім раёне працягваюць вітаць перадавікоў вытворчасці на ўборцы збожжавых культур

У чацвер, 6 жніўня, мяжу ў тысячу тон на жніве і перавозцы зерня пераадолелі і за гэта ўдастоіліся ўзнагарод Бабруйскага райкама прафсаюза работнікаў АПК камбайнер Алег Вяроўкін з СВК “Гігант” (яго тэхніка — камбайн Лексіон-760), вадзіцелі “Гіганта” Мікалай Хурсан і Анатоль Семянчукоў (МАЗ-5551), камбайнер філіяла “Харчавік-Агра” ААТ “Чырвоны харчавік АграСэрвіс” Юрый Макавееў (першы ў раёне камбайнер-тысячнік на айчынным КЗС-1218), а таксама вадзіцель Мікалай Крусір (МАЗ-5551) з ААТ “Неўскі-Агра”.

Лісты ўдзячнасці і падарункі за сумленную працу хлебаробам уручылі першы намеснік старшыні Бабруйскага райвыканкама, начальнік райсельгасхарчу Аляксей Жураўлёў і старшыня райкама прафсаюза работнікаў АПК Надзея Дудаль. Далучыліся да віншаванняў і работнікі культуры, якія падзякавалі работнікам палёў цудоўнай песняй.

— Шчыра дзякуем вам за працу, — казаў кожнаму, паціскаючы руку, намеснік старшыні. — Ураджай атрымалі добры. Значыць — будзе малако і мяса, будуць грошы для далейшага развіцця.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.