Падзяка за працу на жніве

На гэтым тыдні слоў падзякі за паспяховую працу на ўборцы збажыны ад Бабруйскага райкама прафсаюза работнікаў АПК удастоіліся хлебаробы-тысячнікі ААТ “Агракамбінат Бабруйскі” (жніво ў гаспадарцы на тую пару якраз завяршылі) — экіпаж зернеўборачнага камбайна КЗС-1218 у складзе старшага камбайнера Сяргея Аляксандравіча Пархімчыка і камбайнера Яўгена Мацвеевіча Кліманскага, а таксама вадзіцелі МАЗаў-555 Юрый Анатольевіч Лавіцкі і Міхаіл Сяргеевіч Бузак.

Разам з лістамі ўдзячнасці і падарункамі лідар раённай прафсаюзнай галіновай арганізацыі Надзея Дудаль пажадала ўдзельнікам уборачнай кампаніі здароўя, міру і дабрабыту.

За тысячу тон намалочанага і перавезенага зерня ўвагі прафсаюзаў  таксама ўдастоіліся механізатар ААТ “Неўскі-Агра” Віктар Міхайлавіч Шпак і вадзіцелі ААТ “Аграмашсэрвіс” Анатоль Аляксандравіч Рафалёнак і Юрый Іванавіч Лішко.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.