Героя Сацпрацы павiншавалi з Днём нараджэння i Першамаем

Так ужо сталася — і гэта здаецца сімвалічным — што Дзень нараджэння (сёлета — 88-мы) Героя Сацыялістычнай Працы, жыхаркі в. Забалацце нашага раёна Александрыны Рыгораўны Сакун супаў з Днём працы.

Напярэдадні значных для колішняй перадавой даяркі калгаса “Перамога” дат імянінніцу, шаноўнага ў раёне чалавека павіншавалі старшыня Бабруйскага райвыканкама Аляксандр Сухадольскі, намеснік старшыні Таццяна Варанко і старшыня Бабруйскага райкама прафсаюза работнікаў АПК Надзея Дудаль.

Аляксандр Мікалаевіч і ўсе прысутныя павіншавалі заслужанага жывёлавода са святамі, падзякавалі ёй за нялёгкую працу на карысць Бабруйшчыны і роднай Беларусі, пажадалі здароўя, аптымізму, цеплыні родных, уручылі кветкі і падарункі.

Працоўнае жыццё Александрыны Рыгораўны было, як яна сама кажа, цяжкім, але насычаным перамогамі, яскравым. Акрамя звання Героя Сацыялістычнай Працы, колішняя перадавая даярка была ўзнагароджана двумя ордэнамі Леніна, з’яўлялася дэпутатам Вярхоўнага Савета БССР.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.