Сёння на полі паблізу аграгарадка Кавалі сабраліся старшыня раённага выканаўчага камітэта Павел Найдзён, прадстаўнікі ўпраўлення сельскай гаспадаркі і харчавання райвыканкама, кіраўнікі сельгаспрадпрыемстваў і арганізацый Бабруйшчыны, прафсаюзы.

У гэты сонечны дзень, 13 сакавіка, раней звычайнага, адбыўся старадаўні хлебаробчы рытуал “Засеўкі”, які сімвалізуе пачатак новага сезону для земляробаў. Першы засеў пад задорныя прыпеўкі і кранальныя вершаваныя радкі раённых артыстаў правёў перадавік сельскагаспадарчай нівы, механізатар ААТ “Неўскі-Агра” Леанід Чэрнік. На ўдалы пачатак веснавых палявых работ і шчодры ўраджай-2020 хлебаробаў блаславіў іерэй Віктар.

Падрабязнасці — ў фотарэпартажы.

Іна БАГДАНОВІЧ. Фота Юрыя ЮРКЕВІЧА.