…Пад такой назвай у Вялікіх Бортніках прайшло свята «другога хлеба». Усюды па аграгарадку лётаў водар розных страў з бульбы. У мерапрымстве прыняў удзел і старшыня Бортнікаўскага сельвыканкама Яўген Чэркас.

Адкрыў праграму народны ансамбль народнай песні «Вясёлка» пад кіраўніцтвам Зубрыкавай Марыны. Вядучая, у сваю чаргу, прапанавала гасцям паспрабаваць духмяныя гарачыя дранікі са смятанай. Працягнулі мерапрыемства вучні Бабруйскай раённай дзіцячай школы мастацтваў. Запальная п’еса «Карабейнікі» у выкананні Хаванскага Вячаслава і Губскай Вольгі не пакінула раўнадушным нікога. Гледачы заслухаліся звонкімі галасамі вакальнага дуэта Зубрыкавай Ксеніі і Хаванскай Яўгеніі. Кранула сэрцы ўсіх прысутных музычная кампазіцыя “Рэчанька”, таленавіта выкананая Вяроўкінай Юліяй. Весела і заўзята прагучала “Цыганская пляска” ў выкананні Штукмана Зміцера.

Калі юныя музыкі не давалі сумаваць гасцям, то школьнікі разам са сваімі бацькамі пераўвасобіліся ў сапраўдных кулінараў і арганізавалі ярмарку-продаж вырабаў з бульбы. Усім прыйшліся да спадобы зразы з грыбамі ад Якушенка Яўгена і бульбяныя аладкі ад Бутэвіч Анастасіі. Дарослыя арганізавалі выставу дэкаратыўных вырабаў з бульбы і іншай агародніны, розныя гатункі “другога хлеба” рэкамендавалі прадстаўнікі калгаса “Гігант”.

Для стварэння добрага настрою прайшла гульнё­вая праграма «Бульбяны бум», у якой з задавальненнем прынялі ўдзел усе прысутныя.

Ул. інф.