“Шчасце жыць у мірнай краіне”

Рэспубліканскі конкурс жывапісу пад такой назвай прайшоў сёлета пры арганізацыі грамадскага аб’яднання “Беларускі фонд міру”. Ужо падведзены вынікі творчага спаборніцтва. У ліку пераможцаў і нашыя землякі — навучэнцы раённай дзіцячай школы мастацт­ваў Алекберава Арзу (9 год) і Бурлакова Алеся (15 год). Работы дзяўчат, разам з іншымі, будуць надрукаваны ў кнізе “Дзеці за мір. Малюнкі”.

А 2 верасня на ўрачыстых школьных лінейках члены раённай арганізацыі “Беларускі фонд міру” ўручылі пераможцам рэспубліканскага конкурсу жывапісу дыпломы і памятныя падарункі.

Нагадаем, што з 17 па 24 верасня ў Магілёўскай вобласці пройдзе Тыдзень міру. У гэтыя дні ў працоўных калектывах, па месцы жыхарства, ва ўстановах адукацыі і культуры будуць праведзены розныя мерапрыемствы, якія прапагандуюць мір, дружбу, справядлівасць, гуманізм. Запланаваны мерапрыемствы па добраўпарадкаванні памятных месцаў і шмат іншага.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.