28-29 чэрвеня ў Слаўгарадзе прайшла XIV абласная летняя спартакіяда сярод сельскіх раёнаў Магілёўскай вобласці, холдынгаў, аб’яднанняў, арганізацый і кіраўнікоў АПК.

У ёй прынялі ўдзел 27 каманд Магілёўшчыны.

Каманду Бабруйскага раёна ўзначаліў старшыня райкама прафсаюза работнікаў АПК Сяргей Феднеў. У яе склад увайшлі прадстаўнікі ДЛГУ “Бабруйскі лясгас”, упраўлення па сельскай гаспадарцы і харчаванні Бабруйскага райвыканкама, ААТ “Чырвоны харчавік”, а таксама сельгаспрадпрыемстваў: СВК “Гігант”, ААТ “Неўскі-Агра”, ААТ “Стасеўка”, ААТ “Міхалёўская Ніва”, філіяла “Агракамбінат КХП” ААТ “Бабруйскі камбінат хлебапрадуктаў”.

Па выніках спартыўнага спаборніцтва каманда Бабруйскага лясгасу ў складзе 6 чалавек заняла 5 месца ў міні-футболе, 7-е месца прысуджана нашым шахматыстам, у першую дзясятку раён ўвайшоў па пераадольванні паласы перашкод, няблага зарэкамендаваў сябе ў лёгкаатлетычнай эстафеце.

У цэлым жа каманда Бабруйскага раёна апынулася ў залатой сярэдзіне — на 14-м месцы з 27-мі.

Алена КАРПЕНКА. Фота з архіву райкама прафсаюза АПК.