Рашэннем Магілёўскага абласнога выканаўчага камітэта падведзены вынікі абласнога спаборніцтва за дасягненне лепшых паказчыкаў у развіцці аграпрамысловага комплексу за 2018 год.

Прыемна адзначыць, што ў ліку перадавікоў — суб’екты гаспадарання і працаўнікі Бабруйскага раёна.

У намінацыі “Эканамічная эфектыўнасць сельскагаспадарчай вытворчасці” сярод сельскагаспадарчых і іншых арганізацый (іх філіялаў) 1-е месца прысуджана СВК “Гігант”.

У намінацыі “Вытворчасць яек” пераможца — ЗАТ “Птушкафабрыка “Вішнёўка”.

У намінацыі “Лепшыя работнікі, занятыя ў сельгасвытворчасці” сярод вадзіцеляў транспартных сродкаў, якія ажыццяўляюць перавозку травянога корму ад кормаўборачных камбайнаў, дыплома Магілёўскага аблвыканкама і грашовага ўзнагароджання ўдастоены Васіль Рыгоравіч Сахноўскі, вадзіцель ААТ “Міхалёўская Ніва”. У гэтай жа намінацыі сярод аператараў птушкафабрык і механізаваных ферм па абслугоўванні курэй-нясушак, якія дасягнулі найвышэйшай яйканоскасці, адпаведных узнагарод і грашовых прэмій удастоены Генадзь Міхайлавіч Балыка і Ніна Арсеньеўна Малашчанка з ЗАТ “Птушкафабрыка “Вішнёўка”.

Алена КАРПЕНКА.