Запыт дэпутата Бабруйскага райсавета прынялі да ўвагі ў Міністэрстве

З 12 лютага пачала дзейнічаць новая рэдакцыя Пастановы Міністэрства сельскай гаспадаркі і харчавання Рэспублікі Беларусь ад 19 мая 2014 года №22 “Аб пераліку рыбалоўных угоддзяў”. У пастанове ад 24 студзеня 2019 года №7 абноўлены пералік рыбалоўных угоддзяў фонду запасу, дзе для рыбаловаў — членаў рэспубліканскага дзяржаўна-грамадскага аб’яднання “Беларускае таварыства паляўнічых і рыбаловаў”, абмежаваны спосабы бясплатнага аматарскага рыбалоўства.

У абноўлены пералік рыбалоўных угоддзяў фонду запасу, дзе дзейнічаюць абмежаванні па спосабах лоўлі рыбы, указанымі ў пункце 72 правілаў вядзення рыбалоўнай гаспадаркі і рыбалоўства, уключана і рака Бярэзіна з прылягаючымі пойменнымі вадаёмамі ў межах Бабруйскага, Кіраўскага, Клічаўскага, Асіповіцкага раёнаў. Абмежаванні па спосабах лоўлі на тэрыторыі гэтых раёнаў распаўсюджваюцца на лоўлю рыбы на дарожку з судоў з рухавікамі і на падводнае паляванне. Гэта азначае, што такія спосабы лоўлі рыбы тут забаронены.

Варта адзначыць, што змены ў нарматыўным прававым акце ініцыяваў дэпутат Баб­руйскага раённага Савета дэпутатаў Дзяніс Прышчэпа. Ён накіраваў ў Бабруйскі раённы і Магілёўскі абласны саветы дэпутатаў, а таксама непасрэдна ў Міністэрства сельскай гаспадаркі і харчавання дэпутацкі запыт з прапановай пасадзейнічаць вырашэнню праблемы, выкліканай абмяленнем ракі Бярэзіна і прылягаючых пойменных вадаёмаў у Бабруйскім, Кіраўскім, Клічаўскім і Асіповіцкім раёнах. Бо лакальнае скапленне рыбы ў рацэ ў вузка абмежаваных месцах, як правіла, у руславых ямах на паваротах ракі, пагражае яе масаваму знішчэнню. Часта, падчас лоўлі на дарожку з судоў з рухавікамі, пры вялікай канцэнтрацыі рыбы адбываецца яе багрэнне і пашкоджанне.

Дапоўнены нарматыўны прававы акт сведчыць пра станоўчае ўзаемадзеянне законатворцаў усіх узроўняў і ўраду. Што да Дзяніса Прышчэпы, то ягоны ўдзел у гэтым — станоўчы прыклад дэпутацкай ініцыятывы, цвёрдай грама­дзянскай пазіцыі, неабыяка­вас­ці да будучыні роднага краю.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.