У Бабруйскім раёне прайшоў абласны семінар-нарада па папярэджанні гібелі людзей ад пажараў
Як палепшыць работу органаў мясцовага кіравання і самакіравання па папярэджанні гібелі людзей ад пажараў? Адказ на гэтае пытанне шукалі ўдзельнікі выязнога абласнога семінару-нарады, які працаваў 22 сакавіка на базе Бабруйскага раёна. Мерапрыемства ўзначаліў старшыня Магілёўскага абласнога Савета дэпутатаў Дзмітрый Харытончык, удзел прынялі старшыні гарадскіх, раённых і сельскіх саветаў дэпутатаў.
Удзельнікі семінару пабывалі ў аг. Гарбацэвічы. Пазнаёміліся з практыкай работы па забеспячэнні пажарнай бяспекі на тэрыторыі Гарбацэвіцкага сельсавета, тэхнічнымі магчымасцямі тушэння пажараў падраздзяленняў Бабруйскага гаррайаддзела па НС, ДЛГУ “Бабруйскі лясгас”, філіяла “Агракамбінат КХП” ААТ “Бабруйскі камбінат хлебапрадуктаў”, а таксама з метадамі навучання насельніцтва асновам бяспекі жыццядзейнасці. На практыцы адпрацавалі дзеянні на выпадак узнікнення пажару.
Завяршыўся семінар-нарада плянарным пасяджэннем, падчас якога былі выпрацаваны дакладныя рэкамендацыі па паляпшэнні работы органаў мясцовага кіравання і самакіравання па папярэджанні гібелі людзей ад пажараў. Цяпер галоўная задача — рэкамендацыі выконваць, не дапускаць фармалізму.
Алена КАРПЕНКА. Фота аўтара.