Бабруйскі раён наведала дэлегацыя з Малдовы

Сёння ў райвыканкаме сустракалі дэлегацыю аўтаномна-тэрытарыяльнага стварэння Гагаузія г. Вулканешты Рэспублікі Малдова ў складзе прымара Віктара Петрыоглу, старшыні гарадскога Савета Валерыя Чэрнева і саветніка гарсавета Ганны Холбан.

Дэлегацыя наведала Бабруйшчыну ў рамках заключанага год таму Пагаднення аб супрацоўніцтве двух рэгіёнаў — Бабруйскага раёна Рэспублікі Беларусь і Вулканештскага — Малдовы.

У дзень прыезду госці сустрэліся са старшынёй Бабруйскага райвыканкама Паўлам Найдзёнам, старшынёй райсавета дэпутатаў Людмілай Крычко, вялі размову аб развіцці не толькі культурных адносін двухбаковага супрацоўніцтва, але і эканамічных. Наведалі гістарычныя месцы горада на Бярэзіне, раённы гісторыка-краязнаўчы музей, усклалі кветкі да магілы Героя Савецкага Саюза Міхаіла Селязнёва і Кургана Славы ў Сычкава.

У суботу малдаўская дэлегацыя прыме ўдзел ва ўрачыстасці з нагоды падвядзення вынікаў сацыяльна-эканамічнага развіцця Бабруйскага раёна.

“Нам вельмі цікава пабыць у вас, даведацца пра тое, як жыве і развіваецца менавіта Бабруйскі раён. Бо пра тое, як у цэлым жыве Беларусь, мы ведаем, у нас ёсць беларускія тэлеканалы, мы ў курсе падзей вашай краіны, — адзначыў Віктар Петрыоглу. — Асабіста я вельмі люблю Беларусь. Ваш Прэзідэнт з’яўляецца прыкладам для мяне — наладжаны ўсюды парадак, якасна выконваюцца ўсе работы. У нас у Малдове прадаецца беларуская прадукцыя, заўжды яе ў Вулканештах набываю і цаню за якасць”, — дадаў ён.

Алена КАРПЕНКА. Фота Алеся КРАСАВІНА. 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.