ААТ “Неўскі-Агра”: па шляху нарошчвання вытворчасці
ААТ “Неўскі-Агра” прызнана пераможцам раённага спаборніцтва — 1-е месца — у намінацыі “За павелічэнне вытворчасці і нарыхтовак мяса”.
Дзякуючы мэтанакіраванай, зладжанай рабоце ўсяго калектыву сельгасарганізацыі, сур’ёзнаму падыходу да рацыёнаў кармлення жывёлы, да ветэрынарна-санітарных мерапрыемстваў, догляду скаціны ў цэлым, гаспадарцы ў 2018 годзе ўдалося значна (на 282 галавы) павялічыць пагалоўе на комплексе па вырошчванні і адкорме буйной рагатай жывёлы — на гэты час там налічваецца 1452 галавы. За мінулы год гаспадарка прыкметна прырасла на цялятак — усяго іх паступіла 1480 галоў, што на 366 болей, чым са студзеня па снежань папярэдняга года. Частку з іх — крыху болей за 200 — “Неўскі-Агра” прыдбаў у іншых раённых сельгасарганізацыях.
Шырокамаштабная работа калектыву па паляпшэнні стану мясной жывёлагадоўлі прывяла да станоўчых зрухаў. Валавыя прывагі за мінулы год выраслі і склалі 210,1 тоны, у тым ліку на адкорме — 39,4 тоны. Сярэднесутачныя прывагі на адкорме за апошні квартал 2018 года павялічыліся да 670 г і працягваюць расці. У гаспадарцы прыкметна павялічылі, у параўнанні з 2017 годам, рэалізацыю жывёлы. За мінулы год рэалізавана 179,5 тоны (+127 тон). Сярэдняя вага рэалізаванай галавы вырасла на 14 кг і склала 367 кг.
Калектыў гаспадаркі, па словах выканаўчага дырэктара Аляксандра Атрохава, намераны і далей рухацца па шляху нарошчвання вытворчасці і нарыхтовак мяса, паляпшаючы тым самым эканамічнае становішча сельгасарганізацыі і дабрабыт працаўнікоў.
Алена КАРПЕНКА.