Бяспечныя ўмовы працы — адзін з асноўных паказчыкаў, якія характарызуюць высокаарганізаваную дзейнасць калектыву, клопат наймальніка пра лю­дзей, якія абслугоўваюць вытворчасць, забяспечваюць дзейнасць арганізацыі.

Кіруючыся гэтым і ў мэтах стымулявання і актывізацыі работы па ахове працы, павышэння зацікаўле­нас­ці арганізацый у стварэнні здаровых і бяспечных умоў працы работнікаў, у раёне стала традыцыяй праводзіць агляды-конкурсы на лепшую арганізацыю па ахове працы.

Пры падвядзенні вынікаў конкурсу ўдзел у ім прымаюць арганізацыі, у якіх на працягу справаздачнага перыяду па віне наймальніка не адбылося смяротных няшчасных выпадкаў або з цяжкімі наступствамі.

Зацверджаны вынікі агляду-конкурсу за 2018 год. Сярод арганізацый вытворчай сферы пераможцамі прызнаны ЗАТ “Птушкафабрыка “Вішнёўка” (1-е месца), ААТ “ПМК-84 “Водбуд” (2-е) і ААТ “Міхалёўская Ніва” (3-е).

Сярод арганізацый невытворчай сферы ў лідарах дзяржаўная ўстанова сацыяльнага абслугоўвання “Каменскі псіханеўралагічны дом-інтэрнат”. 2-е месца прысуджана Туголіцкай СШ, 3-е — Ленінскаму ВПК “Дз/сад-СШ”.

Сур’ёзная работа па ахове працы і прафілактыцы вытворчага траўматызму праводзіцца і ў ДЛГУ “Баб­руйскі лясгас”, вынікам чаго з’яўляецца прызнанне дадзенай арганізацыі базавай па ахове працы па накірунку “Арганізацыя вытворчай сферы”.

Алена КАРПЕНКА.