Темы

Парушэнне палавой недатыкальнасці непаўналетніх караецца законам

Парушэнне палавой недатыкальнасці непаўналетніх караецца законам

Па выніках 2018 года непаўналетнімі раёна ўчынена адно злачынства — столькі ж, як за папярэдні год. Аднак супакойвацца, па словах намесніка старшыні камісіі па справах непаўналетніх райвыканкама Наталлі Праташчык, не даводзіцца: на злачынствы адважваюцца непаўналетнія, чый узрост не дазваляе ім несці адпаведнае пакаранне за гэта.

І падлеткам, і бацькам, па яе словах, варта памятаць: калі непаўналетні ўчыняе злачынства да дасягнення ім узросту крымінальнай адказнасці (як правіла, 14 год) і на момант злачынства яму ўжо споўнілася 11, то з улікам аналізу паводзін дзіцяці ў школе (замешанасці яго ў іншых супрацьпраўных паво­дзінах) і відавочнай недастатковасці мер, якія прымяняліся і могуць быць прыменены па перавыхаванні дзіцяці з боку школы, іншых зацікаўленых органаў, камісія па СН прымае рашэнне аб неабходнасці спецыяльных мер выхавання і накіроўвае ў суд зыскавую заяву аб змяшчэнні падлетка ў спецыяльную вучэбна-выхаваўчую ўстанову.

У адыйшоўшым годзе, як стала вядома, дзве такія заявы былі пададзены, і абедзьве былі задаволены. І ў першым, і ў другім выпадках сітуацыя стала магчымай дзякуючы абыякавасці бацькоў: дзеці выхоўваліся ў неблаганадзейных сем’ях, былі прызнаны ў сацыяльна небяспечным становішчы. На адсутнасць належнага кантролю з боку дарослых указвае і той факт, што злачынствы ўчынены ў вячэрні і начны час сутак, калі непаўналетнія павінны знаходзіцца дома (па-за домам — у суправаджэнні дарослых). Адзін з падлеткаў здзейсніў хуліганства: лядовай глыбай разбіў шкло фуры, якая праязджала па шашы, другі завалодаў чужым скутарам, што стаяў ля дома на суседняй вуліцы. Як вынік — у адносінах непаўналетніх прынята рашэнне накіраваць іх у спецыяльныя вучэбна-выхаваўчыя ўстановы закрытага тыпу. На гэты час абодва яны знаходзяцца ў спецшколе горада Магілёва.

Актуальнай на сёння, як адзначылі ў камісіі па СН, з’яўляецца і тэма палавой недатыкальнасці непаўналетніх. На працягу апошніх год у раёне была ўзбуджана не адна крымінальная справа, дзе непаўналетнія з’явіліся пацярпелымі. У тым ліку два злачынствы ў адносінах дзяцей учынены непаўналетнімі з асаб­лівасцямі псіхафізічнага развіцця.

У сувязі з несуцяшальнай статыстыкай камісія па СН заклікае бацькоў, у асаблівасці маці дзяўчынак, з увагай адносіцца да дзяцей у сем’ях з айчымамі, весці размовы з падлеткамі, каб упэўніцца ў адсутнасці насілля ці іншых дзеянняў сэксуальнага характару ў адносінах іх, працягвае весці выхаваўчую работу ва ўмовах сямейнай недабрачыннасці.

Праблема ў тым, па словах Наталлі Праташчык, што сучасныя дзеці зачастую занадта рана адчуваюць сябе дарослымі, рана ўступаюць у сэксуальныя адносіны. У мінулым годзе ў раёне адзначаны выпадак, калі 15-гадовая дзяўчына трапіла ў ра­дзільны дом са стратай цяжарнасці. Як выявілася, непаўналетняя жыла з хлопцам, ­бацькі якога не ведалі пра ўзрост сынавай абранніцы. І хоць маладыя людзі кахалі адзін аднаго і гатовыя былі пабрацца шлюбам, гэта не пазбавіла адказнасці юнака перад законам. За сувязь з непаўналетняй яму пры­дзецца панесці пакаранне. Прычым, крымінальная справа ў такім выпадку ўзбуджаецца не толькі на падставе заявы ад пацярпелай, але і пры яе адсутнасці — прос­та па выяўленым факце.

Менавіта маральна-прававое выхаванне непаўналетніх, прафілактыку насілля і жорсткага абыходжання з дзецьмі абмеркавалі ўдзельнікі навучальнага семінару, арганізаванага напрыканцы снежня камісіяй па справах непаўналетніх сумесна з аддзелам па адукацыі, спорту і турызму райвыканкама — намеснікі дырэктараў па вучэбна-выхаваўчай рабоце (спецыялісты, якія курыруюць дадзены накірунак работы), сацыяльныя педагогі, педагогі-псіхолагі, кіраўнікі (выхавальнікі) дашкольных устаноў адукацыі. Удзел у мерапрыемстве прынялі таксама прадстаўнікі Бабруйскага РАУС, занальнага цэнтра гігіены і эпідэміялогіі, беларускай асацыяцыі ЮНЕСКА. Падчас семінара былі выпрацаваны дакладныя рэкамендацыі па тэме абмеркавання.

Алена КАРПЕНКА.

Последние новости

Актуально

Молодежный актив района принял участие в интеллектуально-правовой игре «Модель Шанхайской организации сотрудничества (ШОС)»

28 марта 2024
Общество

Профсоюзные юристы ответили на интересующие вопросы

28 марта 2024
Происшествия и безопасность

29 марта в Бобруйском районе пройдет Единый день безопасности дорожного движения

28 марта 2024
Экономика

Экспорт некоторых промтоваров ограничили в Беларуси

28 марта 2024
Актуально

Лукашенко: всякая финансовая деятельность должна быть подчинена интересам экономики

28 марта 2024
Происшествия и безопасность

В Туголице соседи спасли пенсионерку и ее сына

28 марта 2024
Происшествия и безопасность

Электрогрелки, электроодеяла, электропростыни: помните о безопасности при эксплуатации электронагревательных устройств

28 марта 2024
Актуально

Улучшите свою жизнь с Белтелеком: новые возможности для абонентов

28 марта 2024
Происшествия и безопасность

«Безопасные весенние каникулы»

28 марта 2024
Экономика

Цэны — пад прыцэлам

28 марта 2024

Одноклассники

Районная газета «Трыбуна працы» основана 1 января 1982 года. Учредитель — Бобруйский районный исполнительный комитет. Подписной индекс издания 64092.
Главный редактор Ольга Геннадьевна ГРЕК.

Адрес редакции: г. Бобруйск, ул. Советская, 77-а, каб. 7 (здание районного Центра культуры).
Правила написания комментариев на сайте.
Е-mail редакции: pressa@tribunapracy.by.

Рекомендуем

Общество

В Бобруйском РОВД –– новое назначение   

22 марта 2024
Актуально

У раёне прайшлі “Засеўкі-2024”

26 марта 2024
Актуально

Поздравление от руководства Бобруйского района работникам сферы бытового обслуживания населения и жилищно-коммунального хозяйства

24 марта 2024
В будущее вместе с нами

В областном этапе конкурса «Я патриот своей страны» участвует школьница из Бобруйского района

20 марта 2024
Актуально

В Совет Республики выдвинули кандидата от Бобруйского района

19 марта 2024
Актуально

Веселые гуляния, концерт и блины: широкая Масленица прошла в Бобруйском районе

17 марта 2024
Актуально

В Каменской школе соревновались юные инспекторы дорожного движения

16 марта 2024
Человек и природа

О соблюдении Правил любительского рыболовства

16 марта 2024