Дэпутаты прынялі ўдзел у спартакіядзе

12-13 студзеня ў Крычаве прайшла зімовая спартакіяда дэпутацкага корпуса Магілёўскай вобласці.

За права называцца наймацнейшай спаборнічалі 23 каманды з усіх куткоў Магілёўшчыны. Ад нашага раёна ўдзел у мерапрыемстве прыняла каманда з 7 чалавек — дэпутатаў раённага Савета дэпутатаў на чале з яго старшынёй Людмілай Крычко.

Удзельнікі спартакіяды спаборнічалі ў лыжнай эстафеце, плаванні, дартсе і стральбе. Па яе выніках у пераможцы выйшла каманда гаспадароў — Крычаўскага раёна. У тройцы лідараў таксама дэпутаты Кіраўскага і Горацкага раёнаў. Прадстаўнікі нашага — на 11-м месцы.

У асабістым першынстве старшыня Сычкаўскага сельвыканкама, дэпутат райсавета дэпутатаў Зінаіда Трубачка ў стральбе заняла 2-е месца.

Узнагароды пераможцам уручыў галоўны суддзя спаборніцтваў, старшыня абласнога Савета дэпутатаў Дзмітрый Харытончык.

Алена КАРПЕНКА. Фота з архіву Бабруйскага раённага Савета дэпутатаў.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.