Сёння ў Бабруйскім раёне адбыўся маладзёжны форум “Маладосць. Праца. Рамантыка”. Мерапрыемства на Бабруйшчыне традыцыйнае, яго арганізатары — аддзел ідэалагічнай работы, культуры і па справах моладзі Бабрускага райваканкама і раённы камітэт ГА “БРСМ”.

Падчас форуму маладым людзям Бабруйшчыны — працаўнікам раённых прадпрыемстваў, устаноў і арганізацый, а таксама юнакам і дзяўчатам з ліку навучэнцаў устаноў адукацыі за паспяховую працу, актыўную грамадзянскую пазіцыю, ініцыятыўнасць і крэатыўнасць у рэалізацыі маладзёжнай палітыкі былі ўручаны ўзнагароды і падарункі на памяць.

Таксама быў наладжаны “адкрыты дыялог” моладзі з прадстаўнікамі аддзелаў райвыканкама. Апошнія адказалі на хвалюючыя маладых людзей пытанні. Тым, хто стаіць на парозе прафесійнага выбару, распавялі, у якіх сферах народнай гаспадаркі можна сябе рэалізаваць. У прыватнасці, намеснік генеральнага дырэктара ТАА “Бабруйскі цяплічны камбінат”Аляксандр Дзьячэнка пазнаёміў прысутных з развіццём прадпрыемства і амбіцыйнымі планамі на будучыню, а таксама з вакансіямі — рабочых і спецыялістаў — якія на гэты час маюцца і на якіх маладых людзей чакаюць.

Падрабязнасці чытайце ў наступным нумары раённай газеты «Трыбуна працы».

Алена КАРПЕНКА. Фота Алеся КРАСАВІНА.