Насустрач V Форуму Беларусі і Расіі

У рамках падрыхтоўкі да V Форуму Беларусі і Расіі, які пройдзе ў Магілёве 10-12 кастрычніка, право­дзіцца Тыдзень інтэграцыі і супрацоўніцтва народаў дзвюх краін.
У нашым раёне на працягу 2017-2018 гадоў, з улікам гістарычных узаемасувязяў, агульных старонак, звязаных з Вялікай Айчыннай вайной, наладжана супрацоўніцтва з трыма раёнамі РФ: Валагодскім муніцыпальным раёнам Валагодскай вобласці, Вятлужскім і Варатынскім — Ніжагародскай. У перыяд з 4 па 7 кастрычніка, як паведаміла намеснік старшыні райвыканкама Таццяна Варанко, Бабруйшчыну наведа­юць прадстаўнікі гэтых раёнаў для абмеркавання і падпісання плана мерапрыемстваў супрацоўніцтва з указаннем дакладных тэрмінаў выканання. У складзе дэлегацый — кіраўнікі мясцовага самакіравання, прадстаўнікі адміністрацый раёнаў, сельскагаспадарчай галіны, культуры, спорту. На Баб­руйшчыне ў сувязі з гэтым падрыхтавана цікавая культурная праграма. Таксама госці наведаюць Магілёў — сталіцу Форуму, дзе 11 кастрычніка мае адбыцца падпісанне плана мерапрыемстваў кіраўніком Валагодскага раёна РФ Сяргеем Жасцяннікавым і старшынёй Баб­руйскага райвыканкама Паўлам Найдзёнам.
Па словах Таццяны Варанко, у раёне спадзяюцца, што падпісаныя пагадненні будуць выконвацца, і наш вытворчы, культурны, спартыўны патэнцыял будзе накіраваны на больш цеснае ўзаемадзеянне і інтэграцыю паміж краінамі.
Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.