ІІ абласны агляд-конкурс «Малады гаспадар» пройдзе ў нашым раёне

Сапраўдным святам для ўдзельнікаў і гасцей мерапрыемства абяцае стаць агляд-конкурс “Малады гаспадар”, які пройдзе ў аг. Міхалёва 1 лістапада. Удзел у конкурсе, арганізаваным камітэтам па сельскай гаспадарцы і харчаванні Магілёўскага аблвыканкама сумесна з абласным камітэтам прафсаюза работнікаў АПК прымуць работнікі аграпрамысловага комплексу — члены прафсаюзнай арганізацыі ва ўзросце ад 18 да 35 год з усіх раёнаў Магілёўшчыны.

У конкурснай праграме такія заданні, як “Візітная картка”, “Курс маладога гаспадара”, а таксама дадатковыя конкурсы — “Самадзелкін”, “Аўтамабіліст”, “Кулінар”, іншыя. Словам, маладыя людзі змогуць праявіць сябе ўсебакова — ад традыцыйна ”мужчынскай” справы (замяніць кола аўтамабіля) — да віртуознага валодання нажом падчас ачысткі і нарэзкі гародніны для прыгатавання стравы і творчых здольнасцяў.

Па словах старшыні Бабруйскага райкама прафсаюза работнікаў АПК Сяргея Феднева, мерапрыемства праводзіцца ў мэтах прапаганды прэстыжу работы ў сельскай гаспадарцы, росту прафесійнага майстэрства і матывацыі прафсаюзнага членства, эстэтычнага выхавання сельскай моладзі, павышэння яе цікавасці да культурнага адпачынку, удасканалення сістэмы і пашырэння форм працоўнай дзейнасці, а таксама ў мэтах выяўлення і падтрымкі талентаў .

На конкурс запрошаны кіраўнікі і спецыялісты Магілёўскага аблвыканкама і абласнога камітэта па сельскай гаспадарцы і харчаванні, кіраўнікі і спецыялісты Бабруйскага райвыканкама, прадстаўнікі сельгаспрадпрыемстваў, арганізацый і ўстаноў, старшыні раённых, пярвічных прафсаюзных арганізацый.
Месца правядзення абласнога агляду-конкурсу — Міхалёўскі сельскі Дом культуры.

Пачатак мерапрыемства ў 11.00 гадзін.

Ул. інф.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.