Не старэюць душой ветэраны і не стамляюцца тварыць прыгажосць

Падведзены вынікі традыцыйнага — сёлета праходзіў у шосты раз — раённага агляду-конкурсу “Лепшы ветэранскі падворак”. Мерапрыемства праводзіцца ў мэтах добраўпарадкавання падворкаў вяскоўцаў, прыцягнення пажылых людзей да паляпшэння знешняга выгляду населеных пунктаў, а таксама ў мэтах захавання нацыянальнага каларыту, самабытнасці сельскага ладу жыцця.

Ініцыятарам і арганізатарам конкурсу з’яўляецца раённы Савет ветэранаў. “Апошняе пры садзеянні, вядома ж, сельвыканкамаў, — акцэнтуе ўвагу старшыня райсавета ветэранаў Яўгенія Доўнар. — Бо хто, як не ўлада на месцах, часцей сутыкаецца з вяскоўцамі, ведае гаспадарчы і творчы падыход жыхароў населеных пунктаў да добраўпарадкавання сваіх дамоў і калядамавой тэрыторыі”.

Па яе словах, сёлета заяўкі на ўдзел у конкурсе падалі 10 членаў ветэранскіх “пярвічак”. Усе яны, як і патрабуюць умовы мерапрыемства, пастаянна пражываюць на тэрыторыі раёна.

На працягу двух месяцаў — з 15 чэрвеня да 15 жніўня, спецыяльна створаная камісія рабіла агляд падворкаў, каб вызначыцца з найлепшымі. І ўжо сёння можна гаварыць пра пераможцаў.

Імі прызнаны Фёдар Аляксандравіч БЯЗРУЧКА (1-е месца), жыве ў пас. Глуша па вул. Юбілейнай у доме №11, кв. 2; Валянціна Іванаўна АЎРАМЧЫК (2-е месца) з в. Ламбава Кавалёўскага сельсавета, пражывае ў доме №2 па вул. Юбілейнай, а таксама Ула­дзімір Васільевіч ДУДАЛЬ (3-е месца), жыхар аг. Цялуша, рабочы філіяла “Харчавік-­Агра” ААТ “Чырвоны харчавік”, чый дом №46 месціцца на вул. Школьнай аграгарадка. Усіх іх чакаюць каштоўныя падарункі.

“Сёння пра чысціню і парадак дбае ўся краіна, — разважае Яўгенія Доўнар. — Добраўпарадкоўваць малую ра­дзіму заклікае грамадзян Прэзідэнт Беларусі Аляксандр Лукашэнка. І хіба можам мы, ветэраны, заставацца ў баку ад гэтых спраў? Зразумела ж, не. Яшчэ і моладзі прыклад пакажам! Дый хочацца паса­дзейнічаць нашаму раёну, дзе ў накірунку добраўпарадкавання вядзецца шырокі спектр работ, і зрабіць нашу Бабруйшчыну яшчэ больш утульнай і прывабнай”.

Алена КАРПЕНКА. Фота з архіву раённага Савета ветэранаў.

One thought on “Не старэюць душой ветэраны і не стамляюцца тварыць прыгажосць

  • 20.09.2018 в 10:27
    Permalink

    Дай Бог здоровьечка ветеранам! Это люди с добрым сердцем и светлой душой, которым хватает сил создавать такую красоту!

    Ответ

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.