Конкурс праводзіцца ў мэтах развіцця інтэлектуальных здольнасцяў навучэнцаў, пашырэння кола іх адукацыйных інтарэсаў, павышэння якасці ведаў па вучэбных прадметах. Яго вынікі сталі вядомы ў красавіку на канферэнцыі «Юны даследчык» (для 1-4-х класаў) і для вучняў 5-11-х класаў.

Канферэнцыя «Юны даследчык» сёлета прайшла на базе Бортнікаўскага ВПК «Яслі-сад-СШ». З 12-ці прадстаўленых на яе работ тры ўдастоены дыпломаў 1-й ступені, 3 — другой і 3 — трэцяй ступені. Яшчэ 3 даследчыя работы адзначаны граматамі за выніковы ўдзел.

У канферэнцыі для вучняў 5-11-х класаў, якая прайшла 28 красавіка на базе Ленінскага ВПК «Дзіцячы сад-СШ», прынялі ўдзел 15 з 22-х прадстаўленых работ. Па рашэнні журы 5 з іх удастоены дыпломаў 1-й ступені, па 4 — другой і трэцяй ступеняў і 2 работы ўзнагароджаны граматамі за выніковы ўдзел.

Як стала вядома, 7 лепшых работ прымуць удзел у абласной аналагічнай канферэнцыі. Гэта 5 работ, ацэненых дыпломамі 1-й ступені: Грышчанка Дзіаны з Брожскай СШ па беларускай мове (кіраўнікі Н.У. Вярбіцкая і У.У. Шарапаў), Валянціна Пазняка з Варатынскай СШ па інфарматыцы (кіраўнік В.А. Счасн­­овіч), Аляксея Сабалеўскага з гэтай жа школы па матэматыцы (кіраўнік Г.Р. Скіданава), Анастасіі Тарасавай і Іллі Рыгарэвіча з Міхалёўскага ВПК «Дзіцячы сад-СШ» па гісторыі (кіраўнік Т.В. Кандрацьева) і Дар’і Барысёнак з Туголіцкай СШ па біялогіі (кіраўнік В.В. Мануленка). А таксама 2 работы, якія на раённай канферэнцыі занялі 2-я месцы, — Іллі Брэдуса з Брожскай СШ па біялогіі (кіраўнікі В.В. Пальцава і К.А. Каношкіна) і вучняў Ленінскага ВПК «Дзіцячы сад-СШ» Паўла Яскевіча і Марыны Макарчанка па гісторыі (кіраўнік Г.А. Смірнова).

З улікам таго што сёлетняя абласная канферэнцыя пройдзе ў кастрычніку, ва ўдзельнікаў будзе магчымасць дапоўніць і ўдасканаліць здабыты матэрыял. Жадаем усім поспехаў!

Алена КАРПЕНКА.