Святочнай даце прысвячаецца
Да Дня яднання народаў Беларусі і Расіі ў нашым раёне традыцыйна праводзіцца шмат мерапрыемстваў. Сёлетні год не стаў выключэннем. Ва ўстановах адукацыі мерапрыемствы праходзяць з 30 сакавіка па 3 красавіка. Вядзецца афармленне стэндаў, выстаў, тэматычных куткоў з выкарыстаннем дзяржаўнай сімволікі братскіх краін.
Непасрэдна на 2 красавіка запланавана правядзенне інфармацыйных гадзін, конкурсаў плакатаў і малюнкаў. Шэраг мерапрыемстваў будзе арганізаваны клубнымі ўстановамі. Да прыкладу, у Рэдкарожскім, Міхалёўскім, Брожскім сельскіх Дамах культуры пройдуць тэматычныя інфармацыйныя гадзіны, у Гарбацэвіцкім і Цялушскім — канцэрты, у Глушанскім — размова “Дзве сястры — Беларусь і Расія”.
Выхаванцы раённай дзіцячай школы мастацтваў, у рамках Дня яднання народаў беларусі і Расіі, прынялі ўдзел у IX адкрытым рэгіянальным фестывалі дзіцячай творчасці “Рускі партрэт у беларускім інтэр’еры”, які прайшоў на Гомельшчыне.
Не засталіся ў баку ад гэтага свята і бібліятэчныя ўстановы. Да прыкладу, у цэнтральнай раённай бібліятэцы, як нам паведамілі, пройдзе гадзіна паэзіі, а таксама тэматычная выстава “Беларусь і Расія — нас яднае кніга”. У сельскай бібліятэцы аг. Іванаўка — пазнавальная гадзіна “Дзве сястры — Беларусь і Расія”, у Осаўскай — інфармацыйная гадзіна на гэтую тэму.
Алена КАРПЕНКА.