Час рыхтавацца да летне-пашавага сезону
Запозненая вясна зусім не значыць, што выпас жывёлы адкладваецца. Таму разам з іншымі актуальнымі на гэтую пару задачамі жывёлагадоўлі кіраўнікам, галоўным спецыялістам сельгаспрадпрыемстваў, а таксама работнікам галіны, як адзначыў першы намеснік начальніка ўпраўлення сельскай гаспадаркі і харчавання райвыканкама Аляксандр Кісялёў, неабходна вырашаць і пытанні, звязаныя з падрыхтоўкай да летне-пашавага перыяду ўтрымання жывёлы.
Гэта значыць, прывесці ў “баявую гатоўнасць” электраагароджу, ёмістасці для выпайкі жывёлы, іншае абсталяванне. Па-ранейшаму востра стаіць задача павелічэння вытворчасці малака. Гаспадаркам даведзены памесячныя паказчыкі, на якія варта арыентавацца, каб мець магчымасць не толькі выканаць даведзенае раёну заданне па рэалізацыі малочнай прадукцыі, але галоўнае — быць з грашыма. Іх выкананне штотыдня аналізуецца як непасрэдна ў сельгасарганізацыях, так і спецыялістамі ўпраўлення сельскай гаспадаркі і харчавання, абмяркоўваюцца прычыны — аб’ектыўныя і суб’ектыўныя, што не дазваляюць раёну ісці ў крок з запланаваным. Сярод першага — недахоп у шэрагу гаспадарак канцэнтраваных кармоў. Найбольш распаўсюджаная з суб’ектыўных прычын — парушэнне, нягледзячы на пастаянныя вучобы, вытворчых тэхналогій.
Алена КАРПЕНКА.