У панядзелак прайшло другое пасяджэнне Бабруйскай раённай выбарчай камісіі па выбарах дэпутатаў раённага Савета дэпутатаў.

Члены камісіі, у складзе 9 чалавек, абмеркавалі пытанні рэгістрацыі ініцыятыўных груп і ўзгаднення стварэння на тэрыторыі раёна ўчасткаў для галасавання.

Па выніках разляду першага пытання рашэннем выбарчай камісіі зацверджана 9 ініцыятыўных груп прэтэндэнтаў у дэпутаты райсавета дэпутатаў: Дубовіка А.А., Гацук Т.В., Чэркаса Я.І., Падаляк В.У., Крычко Л.В., Прышчэпы Д.М., Амялюсіка В.Р., Шыханцова Г.Г. і Красько В.Л.

У адпаведнасці з арт.17 і 18 Выбарчага кодэксу Рэспублікі Беларусь Бабруйская раённая выбарчая камісія па выбарах дэпутатаў райсавета дэпутатаў 28 склікання прыняла рашэнне ўзгадніць па прадстаўленні Бабруйскага раённага выканаўчага камітэта на тэрыторыі раёна 20 участкаў для галасавання і прысвоіць кожнаму адпаведную нумерацыю. У асноўным участкі будуць размяшчацца ў сельскіх дамах культуры, адміністрацыйных пабудовах сельвыканкамаў, школах.

Алена КАРПЕНКА.
Фота Генадзя БАГДОНАСА.