Прафсаюзы — двухтысячнікам!

Як традыцыйна склалася, усе добрыя справы, поспехі і дасягненні працаўнікоў аграпрамысловага комплексу раёна не застаюцца па-за ўвагай галіновага прафсаюза. А дакладней сказаць — райкам прафсаюза АПК, арганізуючы працоўнае спаборніцтва, заахвочваючы яго пераможцаў, натхняе работнікаў сельгасарганізацый, членаў прафсаюза на паспяховую працу, на дасягненне пастаўленых мэт.

Вось і на гэтым тыдні старшыня райкама прафсаюза работнікаў АПК Сяргей Іванавіч Феднеў наведаўся на бульбяное поле СВК “Гігант” — гаспадаркі-лідара па вытворчасці ў раёне “другога хлеба” беларусаў, каб выказаць цёплыя словы падзякі, уручыць вымпелы перадавікоў, наклейкі на машыны “Лідар працоўнага спаборніцтва — 2000 тон”, пераходзячыя чырвоныя сцяжкі, а таксама каштоўныя падарункі механізатарам-камбайнерам бульбаўборачных камбайнаў “Гіганта”. На рахунку кожнага з іх болей чым па 2 тысячы тон накапаных клубняў. Такім чынам, прафсаюзных падарункаў удастоіліся механізатары-двухтысячнікі Віктар Віктаравіч Балыка (па стану на раніцу аўторка экіпажам, які ён узначальвае, было накапана 2 856 тон бульбы), Іван Іванавіч Багданаў (2 746 тон), Міхаіл Лявонавіч Чарноў (2 454 тоны) і Аляксандр Паўлавіч Мінькоў (2 225 тон).

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.