Па стане на раніцу ўчарашняга дня, як паведамілі ў райсельгасхарчы, сена мелася 3042 тоны або 37% ад задання, сенажу — 57231 т (55% ад задання). Болей іншых на ўмоўную галаву жывёлы нарыхтавана на гэтую пару ў філіяле “Харчавік-Агра” ААТ “Чырвоны харчавік” — 14,8 ц к. адз., а таксама ў Бабруйскім ААТ “Аграмашсервіс” — 13,2 ц к. адз. У гаспадарках з больш значным пагалоўем дадзены паказчык пакуль ніжэйшы.

У цэлым па раёне на ўмоўную галаву жывёлы нарыхтавана 9,4 ц к. адз. Гэта некалькі ніжэй мінулагодняга ўзроўню, аднак, як заўважыў намеснік начальніка ўпраўлення сельскай гаспадаркі і харчавання райвыканкама Аляксандр Кісялёў, рэзервы — няскошаныя палі, у раёне маюцца, работы на іх вядуцца, што дае падставу меркаваць — Бабруйшчына не застанецца без корму.

Алена КАРПЕНКА.