Чалавек у раёне і гаспадарцы ён не новы: на працягу трох год быў галоўным інжынерам саўгаса «Кісялевічы». З 2016 года і да цяперашняй пасады ўзначальваў ААТ «Стасеўка».

Родам Аляксандр Васільевіч Трафімаў з Мсціслаўшчыны. У адной з гаспадарак гэтага раёна — ААТ «Сож-­Агра» — пасля заканчэння Клімавіцкага сельгастэхнікума пачынаў і сваю працоўную біяграфію. Працягнуў яе на Міншчыне, у ААТ «Слаўнафта-Агра», дзе з 2006 па 2012 г. працаваў спачатку інжынерам па эксплуатацыі машынна-трактарнага парка, затым быў галоўным інжынерам гаспадаркі. Пасля пераезду на Бабруйшчыну тры гады (з 2013 па 2016 г.г.) працаваў у ААТ «Саўгас Кісялевічы». З чэрвеня 2016 года ўзначальваў ААТ «Стасеўка». Завочна набыў вышэйшую адукацыю ў Горацкай дзяржаўнай сельскагаспадарчай акадэміі.

Аляксандр Трафімаў жанаты. Жыве ў пас. Юбілейны. У сям’і выхоўваюцца трое дзяцей.

Новы кіраўнік лічыць, што ў аснове дабрабыту любога прадпрыемства — працоўная дысцыпліна, таму сваю работу ў саўгасе пачынае менавіта з яе наладжвання. У вытворчым плане стаўку робіць на развіццё малочнай галіны — павелічэнне надояў праз стварэнне трывалай кармавой базы, а таксама раслінаводства — вырошчванне багатых на бялок культур, здольных садзейнічаць павелічэнню аб’ёмаў жывёлагадоўчай прадукцыі.

Алена КАРПЕНКА.
Фота Юрыя ЮРКЕВІЧА.