Спорыцца работа на сенажацях “Гіганта”

Аб’езд гаспадарак, які нашыя карэспандэнты традыцыйна робяць падчас гарачых сельгаспадарчых кампаній, напярэдадні выхаду газеты ў друк пачаўся і скончыўся ў СВК “Гігант”. У гаспадарцы ў летні дзень вялося дастаткова шмат рознапланавых работ, а дождж, які з усяе моцы час ад часу браўся, замінаў не толькі земляробам, але і нашаму перамяшчэнню.

І ўсё ж непагадзь у выглядзе шквалістага ветру і як з вядра дажджу — гэта пасля. А напачатку былі прыемныя сустрэчы з цудоўнымі людзьмі — механізатарамі “Гіганта”, чыімі намаганнямі вядзецца актыўная нарыхтоўка травянога корму на зіму, выконваюцца іншыя, неабходныя на гэтую пару сельскагаспадарчыя работы.

На прызначаным для касавіцы ўчастку № 1 Міхаіл Чарноў займаўся варушэннем скошанай травы.
Уладзімір Шапялевіч на “джандзіры” здрабняў і падбіраў правяленую масу. З дапамогай пагрузчыка перамяшчаў яе ў прычэп для далейшай перавозкі да месца занатоўкі па сучаснай тэхналогіі “у рукаў”.
Сяргей Кафідаў займаўся хімпраполкай лубіну.
На полі ля в. Бірча-2 Віктар Балыка пракладваў першыя палосы са свежаскошанай травы.

Алена КАРПЕНКА.
Фота Юрыя ЮРКЕВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.