27 снежня 2016 года на пасаду першага намесніка начальніка ўпраўлення сельскай гаспадаркі і харчавання Бабруйскага райвыканкама па жывёлагадоўлі заступіў Аляксандр КІСЯЛЁЎ.

Аляксандр Васільевіч нарадзіўся ў 1987 годзе ў Расійскай Федэрацыі. Між тым дзяцінства яго прайшло на Магілёўшчыне, у в. Капачы Мсціслаўскага раёна. Пасля заканчэння мясцовай сярэдняй школы ў 2004 годзе паступіў у Беларускую сельскагаспадарчую акадэмію. Потым быў накіраваны на работу ў СДП “Авангард” Магілёўскага раёна заатэхнікам па якасці малака. За два гады працы ў гаспадарцы адслу­жыў у якасці рэзер­віста воінскую службу, завочна скончыў Магілёўскі дзяржаўны ўніверсітэт харчавання, у выніку чаго набыў яшчэ адну спецыяль­насць — тавараведа-эксперта.

У 2011-м быў пераведзены на работу ў Магілёўскае дзяржаўнае аб’яднанне “Мясамалпрам”, яшчэ праз 2 гады — у камітэт па сельскай гаспадарцы і харчаванні Магілёўскага аблвыканкама. У 2015 годзе перайшоў на работу ва ўпраўленне сельскай гаспадаркі і харчавання Бабруйскага райвыканкама інспектарам па якасці малака. Да таго як заняць пасаду першага намесніка начальніка ўпраўлення сельскай гаспадаркі і харчавання райвыканкама, на працягу некаторага часу выконваў абавязкі 1-га намесніка начальніка.
Жанаты. У сям’і выхоўва­ецца дачка.

Алена КАРПЕНКА. Фота Алеся КРАСАВІНА.