У мэтах актывізацыі дзейнасці педагагічных калектываў па стварэнні якаснай адукацыйнай прасторы ў кабінетах прадметаў сацыяльна-гуманітарнага накірунку ў лістападзе-снежні мінулага года прайшоў агляд-конкурс.

На конкурс былі прадстаўлены матэрыялы 9 кабінетаў з 8 устаноў адукацыі. Вывучыўшы іх, журы прыйшло да высновы найвышэйшай ацэнкі па выніках агляду-конкурсу ўдастоіць кабінет беларускай мовы і літаратуры Бортнікаўскага ВПК «Яслі-сад-СШ» (загадчык кабінета — настаўнік беларускай мовы і літаратуры В.В. Дымар). Добрых адозваў членаў журы заслужылі таксама кабінет беларускай мовы і літаратуры Міхалёўскага ВПК «Дзіцячы сад-СШ» (настаўнік Т.В. Кандрацьева) і кабінет англійскай мовы Каменскай СШ, загадчык якога — настаўнік замежнай мовы А.Я. Паўлюкевіч.

Алена КАРПЕНКА.