Аляксандр Осіпаў:“ Прагнозы рэальныя — справа за актыўнасцю ў іх рэалізацыі”
У пятніцу на мінулым тыдні ў райвыканкаме адбылося пасяджэнне раённага выканаўчага камітэта. Узначаліў мерапрыемства старшыня райвыканкама А.В. Осіпаў, удзел у яго рабоце прынялі намеснікі старшыні, начальнікі аддзелаў і ўпраўленняў райвыканкама, кіраўнікі сельгаспрадпрыемстваў, устаноў і арганізацый раёна, старшыні сельсаветаў.
Побач з іншымі на абмеркаванне выносіліся і такія значныя пытанні, як рэалізацыя задач сацыяльна-эканамічнага развіцця раёна на 2017 год і праект раённага бюджэту на будучы год.
Дакладваючы па першым пытанні, намеснік старшыні райвыканкама Марына Тарэлкіна агучыла ключавыя паказчыкі і заданні эфектыўнасці на наступны год, зрабіла расклад, дзякуючы якім мерапрыемствам плануецца іх дасягнуць. У прыватнасці, адзначыла, што ў выкананні такога паказчыку, як рост экспарту тавараў (105,5% да ўзроўню 2016 г.), стаўка, нараду з сельгасарганізацыямі, робіцца на прадпрыемствы малога бізнесу, мадэрнізацыя якіх здольна прывесці да нарошчвання аб’ёмаў продажу тавараў. Шмат увагі было ўдзелена пытанню развіцця сельскагаспадарчай галіны, пры тым што паказчык валавой вытворчасці прадукцыі ў сельскагаспадарчых арганізацыях на наступны год прадугледжаны з ростам на 7,3% да 2016-га.
Былі абмеркаваны і іншыя заданні для выканання даведзеных паказчыкаў. Прагнозы, па словах кіраўніка раёна, рэальныя, справа — за актыўнасцю ў іх рэалізацыі. А для гэтага, як было адзначана, у арганізацыях павінны былі з усёй адказнасцю падыйсці да праграм развіцця на будучы год, пралічыўшы і ўказаўшы да дробязяў, чым будзе абумоўлены рост вытворчасці з улікам усіх маючых абставін. Тым, у каго праграмы не адпавядаюць дадзенаму патрабаванню, рэкамендавана іх дапрацаваць.
У выпрацаваным пасяджэннем райвыканкама рашэнні ўказана кантраляваць выкананне паквартальных значэнняў ключавых паказчыкаў эфектыўнасці работы райвыканкама і заданні для яго аддзелаў і раённых арганізацый на 2017 г.
Аб праекце раённага бюджэту на будучы год далажыла начальнік фінансавага аддзела райвыканкама Ірына Грэсь.
Усяго на пасяджэнні райвыканкама было абмеркавана 29 пытанняў.
Алена КАРПЕНКА. Фота Генадзя БАГДОНАСА.