“Тураўская восень” прайшла ў горадзе на Бярэзіне

У кінатэатрах “Мир” і “Товарищ” 28 кастрычніка прайшлі творчыя сустрэчы з дачкой вядомага кінарэжысёра, сцэнарыс­та, народнага артыста БССР і СССР Віктара Турава, рэжысёрам анімацыйнага і гульнёвага кіно “Беларусфільма”, паэтэсай Аленай Туравай і яго ўнучкай Нікай.

dscf7838Алена Турава ўзгадала некаторыя цікавыя гісторыі з жыцця вялікага майстра і рэжысёра. У фільмаграфіі В. Турава — 26 кінастужак, многія з якіх адзначаны прэстыжнымі ўзнагародамі. Фільм “Родам з дзяцінства”, па апытанні крытыкаў, прызнаны лепшым фільмам, створаным за ўсю гісторыю беларускага кіно. А “Праз могілкі” яшчэ ў 1994-м годзе спецыяльная камісія ЮНЕСКА ўнесла ў лік 100 найбольш значных фільмаў свету пра вайну. Але, бадай, самым “тытулованым” фільмам рэжысёра можна лічыць “Людзі на балоце”. Менавіта версія Турава лічыцца хрэстаматыйнай.

Унучка рэжысёра Ніка парэкамендавала сваім равеснікам, якія прысутнічалі ў зале, прагле­дзець фільмы В.Турава яшчэ раз, каб зірнуць на падзеі вайны па-новаму.

Бібліятэкары ЦБС Бабруйскага раёна падрыхтавалі для гледачоў выставу-панараму “Віктар Тураў: майстар беларускага стылю”, на якой былі прадстаўлены як дакументальныя кнігі, так і кнігі, якія экранізаваў вялікі майстар. Алена Турава аставіла аўтограф для чытачоў раённай бібліятэкі і прадставіла новую кнігу пра Віктара Турава з серыі “100 выдатных дзеячаў культуры”.

У рамках тыдня памяці В. Турава (1936-1996) “Тураўская восень” у Бабруйску праходзіў рэтраспектыўны паказ яго фільмаў. Закончылася творчая сустрэча дэманстрацыяй мастацкага фільма “Сыны ідуць у бой”.

Галіна БУТКЕВІЧ, нам. дырэктара па рабоце з дзецьмі ДУК “ЦБС Бабруйскага раёна”.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.