Прайшло пасяджэнне Савета раённага аб’яднання прафсаюзаў

У сераду на гэтым тыдні ў райвыканкаме працавала пасяджэнне Савета Бабруйскага раённага аб’яднання прафсаюзаў. Удзел у яго рабоце прыняла саветнік Галоўнага ўпраўлення сацыяльнага партнёрства і працоўных адносін апарату Савета Федэрацыі прафсаюзаў Беларусі Н.У. Пасканная.

img_005399На абмеркаванне членаў савета выносіліся два пытанні — аб выкананні мерапрыемстваў Праграмы дзейнасці і ўзаемадзеяння раённых, гарадскіх (рэгіянальных) аб’яднанняў арганізацый прафсаюзаў, якія ўваходзяць у Федэрацыю прафсаюзаў Беларусі за 2016 год, і аб ходзе выканання комплексу мер па рэалізацыі ў раённым аб’яднанні прафсаюзаў асноўных палажэнняў Праграмы сацыяльна-эканамічнага развіцця Рэспублікі Беларусь на 2016-2020 гады. З дакладам па гэтых пытаннях выступіла старшыня раённага аб’яднання прафсаюзаў Л.В. Крычко. Яна падрабязна спынілася на рэалізаваных мерапрыемствах вышэйзгаданых праграм і на тых, што ў працэсе рэалізацыі. Адзначыла, што раённая ўлада ідзе насустрач прафсаюзным ініцыятывам. Раённае аб’яднанне, у сваю чаргу, садзейнічае вырашэнню праблемных пытанняў паміж работнікамі і наймальнікамі — упэўнена завалодвае аўтарытэтам сярод працоўных калектываў. У дапаўненне пытанняў, якія абмяркоўваліся, выступілі старшыні раду прафсаюзных арганізацый.

Напрыканцы пасяджэння Наталля Пасканная распавяла пра работу Галоўнага ўпраўлення сацыяльнага партнёрства і працоўных адносін апарату Савета ФПБ, заакцэнтавала ўвагу на найбольш значных пытаннях і задачах, вырашэннем якіх займаецца Федэрацыя прафсаюзаў Беларусі.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.