Тэхніку ставяць на зімовае захаванне

Шэраг тэхнікі ў раёне ўжо “выйшла” з асноўных палявых работ. У прыватнасці, завершана работа пераважнай часткі зернеўборачных камбайнаў. 40 з 63-х адзінак пастаўлена на захаванне (астатнія задзейнічаны на ўборцы кукурузы на зерне).

Праведзена іх дэфектоўка, закансервавана паліўная апаратура, прыняты ўсе неабходныя меры, каб заха­ваць тэхніку да наступнага сезону. З улікам таго, што нарыхтоўка травянога корму яшчэ працягваецца, на захаванні толькі частка адпаведных камбайнаў. Пачалася падрыхтоўка да зімы бульбаўборачных агрэгатаў. Захоўваюцца 8- і 9-цікорпусныя плугі. Вядзецца перадпастановачная падрыхтоўка пасяўной тэхнікі — з 26-ці адзінак, што маюцца ў раёне, на захаванні 9. Рыхтуюць да зімы таксама раскідвальнікі мінеральных угнаенняў.

Маніторынг, праведзены ў радзе сельгасарганізацый камітэтам па сельскай гаспадарцы і харчаванні аблвыканкама на прадмет навядзення парадку на тэрыторыях машынных двароў, майстэрань, захавання ў іх металалому і шын, выявіў, па словах начальніка вытворчага аддзела райсельгасхарча Яўгена Бярозкіна, толькі нязначныя недахопы, якія на працягу некалькіх дзён будуць ліквідаваны.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.