На гэтую пару, як паведаміла намеснік начальніка ўпраўлення сельскай гаспадаркі і харчавання райвыканкама Арына Сяргеева, завяршаецца ўборка цукровых буракоў, на полі засталося не болей за 20 га.

Прычым, убіраюць салодкія караняплоды толькі ў ААТ “Неўскі-Агра”. У ААТ “Міхалёўская Ніва” з гэтай работай даўно справіліся і сваёй тэхнікай дапамагаюць суседзям. Блізкая да завяршэння і ўборка бульбы. Па дадзеных на пятніцу, выкапана каля 97% плошчаў пры сярэдняй ураджайнасці 190 ц/га. Фермерскія гаспадаркі і БТАА “ВЕОМ” працягваюць убіраць гародніну: моркву, буракі, капусту. У ААТ “Неўскі-Агра” здыма­юць з дрэў яблыкі. Частку ўраджаю гаспадарка пастаўляе на перапрацоўчыя заводы, частку — рэалізуе непасрэдна на тэрыторыі.

Нямала ўвагі надаецца падняццю зябліва пад веснавую сяўбу. У цэлым па раёне паднята каля 2 тысяч га з 12-ці неабходных. Працягваецца вывазка на палі і ўнясенне пад яравую сяўбу арганікі, а таксама калійных угнаенняў.

Алена КАРПЕНКА.