Удастоена спецыяльнай прэміі

Каля 50 спецыялістаў з ліку моладзі, якія працуюць у сацыяльнай сферы, сталі лаўрэатамі спецыяльнай прэміі Магілёўскага аблвыканкама. Сярод іх — прадстаўнікі ўстаноў адукацыі, культуры, спорту, турызму, сацыяльнай абароны, сродкаў масавай інфармацыі. Цырымонія ўзнагароджання, падчас якой лаўрэаты былі адзначаны дыпломамі і грашовымі прэміямі ў памеры 50 базавых велічынь, прайшла 29 чэрвеня ў абласным цэнтры творчасці ў Магілёве.
Прыемна адзначыць, што ў намінацыі “Сацыяльная абарона насельніцтва” спецпрэміі ўдастоена санітарка Каменскага псіханеўралагічнага дома-інтэрната Кацярына Огаль.

IMG_7626
Кацярыне 31 год. Разам з мужам яны выхоўваюць траіх дзяцей. Жывуць ў в. Лекерта. У Каменскім доме-інтэрнаце жанчына працуе на працягу 8 год. У абавязках работніцы — догляд за людзьмі, якія ў інтэрнаце пражываюць. Гэтая работа, як адзначае Кацярына, ёй падабаецца, хоць і патрабуе немалой выкладкі. Усведамленне таго, што ад яе падыходу да працы залежыць утульнасць пражывання хворых, якія, па словах Кацярыны, нагадваюць дзяцей, дае натхненне выконваць даручанае бездакорна. Пра сумленныя адносіны  Кацярыны Огаль  да працы мы пачулі і ад кіраўніцтва ўстановы. Лаўрэата высокай прэміі там ахарактарызавалі як чулага і спагадлівага чалавека, працавітага і адказнага работніка, гатовага падтрымаць любую добрую ініцыятыву, падзяліцца душэўнай цеплынёй з іншымі.

Алена КАРПЕНКА.

Фота Юрыя ЮРКЕВІЧА. 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.