Падзякавалі за працу

Холдынг “Магілёўская малочная кампанія “Бабушкіна крынка” — прадпрыемства, для якога колькасць і якасць пастаўляемага на перапрацоўку малака надзвычай важныя. Таму вялікае значэнне тут надаюць развіццю сыравінных зон.

IMG_0001sНемалая работа ў гэтым плане праводзіцца Бабруйскім філіялам холдынгу — вытворчым унітарным прадпрыемствам “Бабруйскмалако”. Спецыялісты прадпрыемства ў звязцы з Бабруйскім райвыканкамам пастаянна праводзяць сумесную работу, накіраваную на паляпшэнне якасных паказчыкаў сыравіны. Апошняе дае станоўчыя вынікі — некаторыя фермы па ра­дзе паказчыкаў значна палепшылі якасць малака, што, у сваю чаргу, прывяло да паляпшэння якасці гатовай прадукцыі, якую выпускае холдынг і “Бабруйскмалако” у прыватнасці. Сярод іх і МТФ Туркі ААТ “Неўскі-Агра”.

У мэтах падзякаваць вытворцаў каштоўнай сыравіны за гэта па ініцыятыве кіраўніка холдынгу Ігара Кананчука перапрацоўшчыкі ў асобе дырэктара ВУП “Бабруйскмалако” Таццяны Карнілавай і начальніка лабараторыі па якасці Ірыны Сямёнавай наладзілі для калектыву фермы “салодкі” круглы стол. Ад райвыканкама ўдзел у мерапрыемстве прыняў спецыяліст па якасці райсельгасхарчу Аляксандр Кісялёў. За кубкам гарбаты прысутныя абмеркавалі праблемныя пытанні і тое, што жывёлаводам неабходна рабіць надалей, каб падтрымліваць і паляпшаць дасягнутыя паказчыкі. “У апошнім — наша сумесная задача і сумесная зацікаўленасць, — адзначыла, звяртаючыся да работнікаў МТФ, Таццяна Карнілава. — Ад аб’ёмаў і якасці сыравіны вытворцаў залежаць аб’ёмы і якасць нашай прадукцыі і яе здольнасць канкурыраваць на знешнім рынку, а значыць — і стабільнасць вашага заробку”.

Работнікі фермы, у сваю чаргу, падзякавалі перапрацоўшчыкам за ўвагу, прыемна праведзены час і запэўнілі ў плённай працы.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.