Пятровічы святкавалі Троіцу і Дзень вёскі (наш фотарэпартаж)

Жыхары вёскі Пятровічы ў мінулую нядзелю адсвяткавалі Троіцу і Дзень вёскі. Традыцыя сумяшчаць гэтыя святы тут трывала ўкаранілася. Яна — як працяг таго прыемнага, што ў мінулыя часы даваў мясцовым сялянам кірмаш, які ладзіўся менавіта ў Троіцын дзень: радасць ад удалага продажу, прыдбаных рэчаў, жарты, песні, знаёмствы, сустрэчы з роднымі, блізкімі і сябрамі.

Богаслужэнне праводзіць пратаіерэй Свята- Нікольскага кафедральнага сабора а. Міхаіл
Богаслужэнне праводзіць пратаіерэй Свята-Нікольскага кафедральнага сабора а. Міхаіл.

IMG_7333_result

Ладзіць конкурс дырэктар Дома народнай творчасці Юрый Бобікаў — галоўны натхніцель свята
Ладзіць конкурс дырэктар Дома народнай творчасці Юрый Бобікаў — галоўны натхніцель свята.

Арганізатары мерапрыемства — работнікі мясцовага Дома народнай творчасці і раённага Цэнтра культуры, зрабілі ўсё для таго, каб свята атрымалася цікавым і запамінальным для дарослых і дзяцей.

IMG_7338_result IMG_7351_result IMG_7382_result

З раніцы ўвесь пятровіцкі люд і госці памаліліся ля Паклоннага крыжа за сваіх продкаў і нашчадкаў, папрасілі божага блаславення на добры ўраджай і добрыя справы. Затым усе разам перамясціліся да стылізаванай сцэны, дзе былі наладжаны выставы-продажы мясцовых умельцаў. Дружна сустракалі тых, хто прыехаў павіншаваць іх са святамі, абвязвалі саматканымі паясамі гасцей, якія пасадзейнічалі ў вырашэнні той ці іншай справы на карысць вёскі, адорвалі апладысментамі пераможцаў усемагчымых конкурсаў і ўдзельнікаў канцэртнай праграмы. А тыя, не стамляючыся, радавалі гледачоў цудоўнымі песнямі, пацешнымі жартамі і гумарэс­камі.

Радуюць песнямі ўдзельніцы мясцовага фальклорнага гурта «Спадарушка»
Радуюць песнямі ўдзельніцы мясцовага фальклорнага гурта «Спадарушка».

Хоць Пятровічы цяпер ужо нешматлікія — пастаянна тут пражывае каля 150 чалавек, населены пункт мае багатае мінулае і неабыякавых да гісторыі краю людзей, захавальнікаў мясцовых абрадаў і традыцый. Пра гэта сведчаць як экспанаты Дома народнай творчасці, так і сам факт наяўнасці такой установы ў невялічкай вёсачцы. Але гэта ўжо, як кажуць, іншая гісторыя…

IMG_7269_result IMG_7442_result IMG_7485_result IMG_7531_result IMG_7541_result IMG_7523_result IMG_7542_result IMG_7547_result IMG_7550_result IMG_7551_result IMG_7555_result

Вяртаючыся да свята, адзначу, што яно працягвалася за апоўдзень, нягле­дзячы на спякоту. Сяльчане з задавальненнем адказвалі на пытанні віктарыны — ад гісторыі Пятровічаў да таго, чый сабака ў вёсцы найгучней лае. Дружнымі авацыямі падбадзёрвалі найбольш рашучых да лоўлі рыбы ў бочцы, найбольш спрытных — круціць абруч. Не было бяды і тым, каго браў голад падчас свята: праз дарогу ад сцэнічнай пляцоўкі госці з Дойнічава з задавальненнем частавалі ўсіх жадаючых прыгатаванай у палявых умовах грэчневай кашай, аздобленай жартамі і песнямі пад гармонік.

IMG_7575_result IMG_7579_result IMG_7254_result IMG_7389_result IMG_7405_result IMG_7305_result IMG_7327_result IMG_7342_result IMG_7391_result IMG_7394_result IMG_7421+++_result IMG_7472_result IMG_7498_result IMG_7445_result IMG_7509_result IMG_7516_result IMG_7521_result IMG_7537_result IMG_7566_result IMG_7584_result IMG_7600+++_result IMG_7650_result IMG_7653_result IMG_7263

IMG_7649

Алена КАРПЕНКА. Фота Юрыя ЮРКЕВІЧА.

One thought on “Пятровічы святкавалі Троіцу і Дзень вёскі (наш фотарэпартаж)

  • 01.07.2016 в 22:08
    Permalink

    отличная работа,спасибо тебе Юрий!!!

    Ответ

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.