Каб зімоўка была сытнай
Працягваецца напружаная пара корманарыхтоўкі. Работнікі палёў, кожны на сваім працоўным месцы, імкнуцца зрабіць усё магчымае, каб занатаваць як мага болей сенажу і сена, каб сёлетняя зімоўка прайшла зладжана — жывёла мела збалансаваныя рацыёны, малочная і мясная вытворчаць раёна развівалася, а работнікі сельскагаспадарчай галіны мелі добрую заробную плату.
Патрабаванні да корманарыхтоўкі гэтага года ўзмоцнены: леташняя спякота яскрава паказала, што значыць харчаванне “з калёс”. Таму перадавікоў сёлетняй корманарыхтоўчай кампаніі без перабольшання можна назваць героямі, праца якіх заслугоўвае самых цёплых слоў пашаны і падзякі.
З мэтай выказаць апошняе земляробам, чые паказчыкі па стану на ўчарашні дзень прызнаны аднымі з найлепшых у раёне, на сенажаці выехала група ў складзе старшыні раённага аб’яднання прафсаюзаў Людмілы Крычко, выконваючага абавязкі начальніка аддзела ідэалагічнай работы, культуры і па справах моладзі райвыканкама Дзмітрыя Вяроўкіна і карэспандэнта “раёнкі”. Граматамі Бабруйскага раённага аб’яднання прафсаюзаў, якое ўваходзіць у Федэрацыю прафсаюзаў Беларусі, за добрасумленную працу і высокія паказчыкі ў корманарыхтоўчай кампаніі 2016 года ўзнагароджаны механізатары Бабруйскага ААТ “Аграмашсервіс” Андрэй Мікалаевіч Андруховіч і Віталь Валер’евіч Падшывалаў (фота 1, 2), а таксама механізатар ААТ “Саўгас Кісялевічы” Аляксандр Рыгоравіч Зорын (фота 3).
Алена КАРПЕНКА. Фота Юрыя ЮРКЕВІЧА.