За працу — пашана

Аб’ектам цікавасці раённага аб’яднання прафсаюзаў і нашых карэс­пандэнтаў учора стаў СВК “Гігант”. У гэтай сельгасарганізацыі пра­цуюць механізатары, чые паказчыкі на нарыхтоўцы травянога корму, па стане на пятніцу, прызнаны аднымі з найвышэйшых у раёне.

IMG_8441
В. Тарасевіч
IMG_8461
У. Шапялевіч

Сярод лідараў корманарыхтоўкі, чыя праца заслугоўвае асаблівай пашаны, Міхаіл Лявонавіч Чарноў — ён у гэтыя дні заняты на перавозцы сянажнай масы, а таксама Валянцін Рыгоравіч Тарасевіч і Уладзімір Ільіч Шапялевіч, каго мы засталі за падборкай і здрабненнем травы. Гэтай работай механізатары на сваёй тэхніцы займаліся на сенажаці паблізу Вялікіх Бортнікаў.

М. Чарноў
М. Чарноў

У мэтах аддзячыць земляробаў за добрасумленную працу, за значны ўклад у агульную справу, накіраваную на развіццё гаспадаркі і раёна ў цэлым, старшыня раённага аб’яднання прафсаюзаў Людміла Крычко па традыцыі ўручыла перадавікам корманарыхтоўкі ганаровыя граматы аб’яднання, якое ўваходзіць у Федэрацыю прафсаюзаў Беларусі, пажадала здароўя, плёну ў працы і дасягнення пастаўленых мэт. А фотакарэс­пандэнт “раёнкі” — зноў жа па традыцыі — гэты ўрачысты момант узяў у аб’ектыў.

Алена КАРПЕНКА. Фота Юрыя ЮРКЕВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.