Пісьменнік-дабрадзей для ўсіх дзяцей

У Міхалёўскім ВПК «Дзіцячы сад-СШ» прайшла творчая сустрэча з пісьменнікам, дабрачынцам, выдаўцом, аўтарам вясёлых і неверагодных гісторый для дзяцей — Валерыем Квілорыя. На сустрэчу былі запрошаны вучні малодшага школьнага ўзросту.

000DS8849Пісьменнік па-майстэрску авалодаў увагай школьнікаў, бо цікава і эмацыянальна раказваў пра прыгоды сваіх літаратурных герояў. Усе гісторыі не толькі смешныя, цікавыя і займальныя, але, што немалаважна, вучаць дзяцей дабрыні, спагадзе, сумленнасці і справядлівасці. Шмат яго кніг напісаны ў стылю фантастыкі, але, як сцвярджае аўтар, іх аснова — рэальныя падзеі, якія ён запазычыў, вывучаючы неапазнаныя з’явы і гісторыю. Валерый Квілорыя пазнаёміў дзяцей з новымі творамі іншых аўтараў, адказаў на шматлікія пытанні і запрасіў школьнікаў дасылаць свае літаратурныя творы на яго сайт.

У гэты ж дзень Валерый Тамазавіч наведаў прытулак Бабруйскага раённага сацыяльна-педагагічнага цэнтра, дзе таксама сустрэўся з дзецьмі і падарыў ім бібліятэку сваіх кніг. Хочацца адзначыць, што пісьменнік другі год запар прымае ўдзел у навагодняй дабрачыннай акцыі «Нашы дзеці» і перадае дзецям Бабруйшчыны цікавыя і прыгожа аформленыя кнігі.

Напрыканцы мерапрыемства кожны з ўдзельнікаў дзівоснага падарожжа атрымаў ад бібліятэкараў цэнтральнай раённай бібліятэкі прыгожа ілюстраваны буклет з запрашэннем прачытаць кнігі Валерыя Квілорыя ў бібліятэках раёна.

Рана незагойная

Гадзіна смутку «Чарнобыльская рана незагойная» была прысвечана 30-годдзю аварыі на ЧАЭС.

Гадзіна адбылася 22 красавіка ў Хімоўскім ВПК «Дзіцячы сад-СШ». Мэта мерапрыемства — асэнсаваць з вучнямі праблему Чарнобыля, стварыць атмасферу суперажывання і роздуму. Супрацоўнікі КУП «Бабруйсккіно» падрыхтавалі для вучняў новую дакументальную стужку «Белвідэацэнтра» — «Чарнобыль — экзамен для нацыі». Бібліятэкар цэнтральнай бібліятэкі Н. Гашко пазнаёміла прысутных з кнігамі, прадстаўленымі на выставе «Рэха Чарнобыля», правяла прэзентацыю кнігі лаўрэата Нобелеўскай прэміі С. Алексіевіч «Чарнобыльская малітва». Таксама гэта тэма знайшла адлюстраванне ў бук­леце «Трагедыя Чарнобыля ў творах мастацкай літаратуры», які атрымаў кожны ўдзельнік мерапрыемства.

Галіна БУТКЕВІЧ, намеснік дырэктара па рабоце з дзецьмі ДУК «ЦБС Бабруйскага раёна».

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.