Працоўныя дасягненні “Малочнай даліны”

Знаёмства з фермерскай гаспадаркай “Малочная даліна”— пераможцай раённага спаборніцтва па выніках мінулага года ў намінацыі “Сярод сялянскіх (фермерскіх) гаспадарак”, пакінула надзвычай прыемныя ўражанні. Не таму, што ўсё там уладкавана і беспраблемна — апошняга якраз хапае, а таму што настрой у гаспадароў — на стваральную працу: паляпшэнне яе ўмоў, нарошчванне пагалоўя, павелічэнне аб’ёмаў вытворчасці.

000035054Заснаваная 5 год таму фермерская гаспадарка Аляксандра Хурсанава (на здымку) на сёння ўжо мае значныя дасягненні — з 35 кароў дойнага статку “Малочная даліна” разраслася (разам з маладняком) да 70 галоў. Хлява, які гаспадар пабудаваў для гэтых мэт на ўласным падворку, стала недастаткова, таму з мінулагодняй вясны гаспадарка перабралася ў прасторны калгасны хлеў, які з некаторага часу не выкарыстоўваўся і цяпер патрабуе немалых грашовых уліванняў. Пабудову фермер пакуль арандуе, але ў планах — прыдбаць ва ўласнасць. Таму, наколькі дазваляюць сродкі, займаецца аднаўленчымі работамі. І ўсё гэта адначасова з асноўным вытворчым працэсам. Апошнім займаецца ўся дружная сям’я Хурсанавых. Сам фермер, жонка Ала, старэйшы сын, якому 24 гады. Дапамагаюць два работнікі: брат гаспадара Алег Аляксандравіч і Уладзімір Смалянок. Знаходзіцца работа ў вольны час і для малодшага сына-школьніка.

Праца ў жывёлагадоўлі Аляксандру Аляксандравічу вядома з дзяцінства: даяркай была ягоная бабуля, 5-6 кароў заўсёды трымалі ў падсобнай гаспадарцы бацькі. Таму ўзяўся ён за гэтую справу, добра ўсведамляючы ўсе яе станоўчыя і адмоўныя бакі. Нягледзячы на пару года, працоўны дзень Хурсанавых пачынаецца надосвітку. Да дойкі — зімой яна двухразовая — прыступаюць ў 5 гадзін, улетку дояць рагуль тройчы. Працоўны дзень гаспадара завяршаецца — асабліва ў напружаны перыяд расцёлаў — каля апоўначы. Патрапіць на працягу дня дамоў здараецца далёка не заўсёды, таму на ферме абсталяваны ўтульны пакойчык для адпачынку і перакусаў. Калі на пачатку сваёй дзейнасці рагуль даводзілася даіць уручную, то сёння на ўзбраенні фермера 4 сучасныя малочныя апараты, набытыя непасрэдна ў вытворцы. У гаспадарцы маецца халадзільная ўстаноўка на 4 т малака. Удалося разжыцца неабходнай сельгастэхнікай.

За мінулы год фермерская гаспадарка прадала дзяржаве 170 т малака пры плане 150 т. Ад адной каровы ўдзень тут бяруць 13-15 кг малака ў зімовую пару, улетку — прыкладна 18-25. Дзякуючы дзяржаўнай датацыі на малако, за гэтыя сродкі набываюць для гаспадарчых мэт паліва, мінеральныя ўгнаенні.

Каб задаволіць патрэбу жывёлы ў корме, на рахунку гаспадаркі маецца 70 га зямельных угоддзяў, з якіх 30 — ворыва і 40 — сенакосы і паша. З уласнага зерня тут штогод рыхтуюць неабходныя ў рацыёне жывёлы камбікармы. У планах гаспадара — павялічыць пагалоўе да 100 і болей кароў, а разам з тым — аб’ёмы вытворчасці малака і заробак занятых у гаспадарцы людзей.

Алена КАРПЕНКА. Фота Юрыя ЮРКЕВІЧА.

2 thoughts on “Працоўныя дасягненні “Малочнай даліны”

  • 04.03.2016 в 18:14
    Permalink

    Интересно по каким показателям определяется лучший фермер Бобруйского района

    Ответ
  • 05.03.2016 в 09:14
    Permalink

    Уважаемый Александр, речь идет об итогах ежегодного соревнования по социально-экономическому развитию Бобруйского района. Лучший в каждой номинации конкурса определяется по результатам работы за год в соответствии с Инструкцией о порядке организации ежегодного соревнования по социально-экономическому развитию Бобруйского района, утвержденной решением Бобруйского райисполкома от 16.07.2015 №15-49 (Национальный правовой Интернет-портал Республики Беларусь, 12.08.2015. 9/72081).

    Так, победитель среди крестьянских (фермерских) хозяйств определяется по следующим критериям:
    валовое производство продукции (рост показателя к уровню предыдущего года);
    производство основных видов продукции (зерновых и зернобобовых культур (в весе после доработки), картофеля, скота и птицы (в живом весе), молока) к уровню предыдущего года;
    чистая прибыль.

    Ответ

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.