Перамога за актыўнымі і ініцыятыўнымі

Завершаны раённы этап агляду-конкурсу піянерскіх агітбрыгад “Запалі вогнішча дабра!”, які прысвячаўся Дню піянерскай дружбы і прымяркоўваўся да 25-годдзя Беларускай рэспубліканскай піянерскай арганізацыі, 75-годдзя з дня стварэння першых цімураўскіх атрадаў, цімураўскага руху, экранізацыі аповесці А. Гайдара “Цімур і яго каманда”.

Агляд-конкурс праводзіўся сярод членаў ГА “БРПА”, выяўляў іх дасягненні ў розных відах агітацыйнай творчасці і праводзіўся з мэтай фарміравання ў падрастаючага пакалення грамадзянскай культуры і патрыятызму.

У конкурсе прынялі ўдзел піянерскія дружыны 6-ці ўстаноў адукацыі: Ленінскага, Глушанскага, Міхалёўскага і Осаўскага ВПК “Дзіцячы сад-СШ”, а таксама Гарбацэвіцкай і Каменскай сярэдніх школ. У тройку лідараў увайшлі найбольш актыўныя і ініцыятыўныя — піянерская дружына імя Пінчука Ленінскага ВПК (1-е месца), піянерская дружына імя Гайдара Міхалёўскага ВПК (2-е) і аднайменная піянерская дружына Осаўскага ВПК (3-е).

Пераможцы будуць узнагароджаны дыпломамі Бабруйскай раённай піянерскай арганізацыі.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.