Напісалі сабе лісты

У рамках 20-га Беларускага маладзёжнага эпісталярнага конкурсу, ініцыятарам якога выступіла РУП “Белпошта” сумесна з Міністэрствам адукацыі, з 1 па 23 лютага прайшоў раённы конкурс сачыненняў эпісталярнага жанру сярод школьнікаў на тэму “Напішы ліст самому сабе 45-гадоваму”.

Усяго ў конкурсе прынялі ўдзел 9 вучняў з 9-ці ўстаноў адукацыі раёна. У пераможцы выйшлі трое. Дыплома 1-й ступені ўдастоены пяцікласнік Осаўскага ВПК “Дзіцячы сад-СШ” Міхаіл Васілеўскі (педагог Т.А. Васілеўская). 2-е месца прысуджана вучню 9-га класа Гарбацэвіцкай СШ Валерыю Сыраквашу (педагог А.М. Аліферовіч), 3-е — дзевяцікласніцы Бортнікаўскага ВПК “Яслі-дзіцячы сад-СШ” Юліі Лысенка (педагог В.В. Дымар).

Аналізуючы сачыненні, члены журы бачылі перад сабой не школьнікаў, а дарослых людзей, якія шмат чаго ў жыцці зведалі і дасягнулі. Застаецца толькі спадзявацца, што будучыня ў гэтых юнакоў і дзяўчат сапраўды будзе бязвоблачнай і стабільнай, якой яны сабе яе ўявілі, што ніякія цяжкасці не прымусяць іх згубіць на жыццёвай дарозе чалавечыя якасці, веру ў дабрыню і справядлівасць.

Адзначым і тое, што работы пераможцаў перададзены на Бабруйскі вузел паштовай сувязі для ўдзелу ў абласным этапе конкурсу.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.