У сёлетнім студзені прахо­дзіў раённы этап абласнога творчага конкурсу на міліцэйскую тэматыку сярод навучэнцаў старэйшых класаў.

Яго арганізатары — аддзелы адукацыі, спорту і турызму і ўнутраных спраў райвыканкама — ставілі за мэту фарміраванне ў юнакоў і дзяўчат актыўнай грамадзянскай пазіцыі, стымуляванне іх да самастойнага вывучэння аспектаў службы ў міліцыі. Усяго ў раённым этапе прынялі ўдзел 5 навучальных устаноў: Міхалёўскі, Ленінскі, Осаўскі, Цялушскі ВПК і Брожская СШ.

Вынікі конкурсу падведзены, і мы з задавальненнем называем імёны пераможцаў і іх настаўнікаў. У намінацыі “Проза” Дыплома 2-й ступені ўдастоены выпускнік Міхалёўскага ВПК Ягор Вінакур (педагог Л.Ф. Новікава), дыпломаў 3-й ступені — вучаніца 11-га класа Осаўскага ВПК Анастасія Шэпялевіч (педагог А.А. Далжэўская) і дзесяцікласнік з Цялушскага — Дзяніс Шынкарэнка (педагог Н.С. Жукава). У намінацыі “Паэзія” пераможцамі сталі выпускніца Ленінскага ВПК Наталля Грузінава (педагог І.Л. Тараховіч) — Дыплом 1-й ступені, і Анжаліка Станчык з Брожскай школы (педагог Н.С. Баршчэўская), чыя творчая праца ацэнена Дыпломам 2-й ступені.

Алена КАРПЕНКА.