Эпідэмічны парог не перавышаны

Нягледзячы на тое, што выпадкаў захворвання на вострыя рэспіраторныя вірусныя інфекцыі на Бабруйшчыне з дня на дзень становіцца болей, эпідэмічны парог, як адзначылі ў Бабруйскім занальным цэнтры гігіены і эпідэміялогіі, па стане на ўчарашнюю раніцу не перавышаны.

40b33cd55Асноўная частка з тых, хто захварэў, дзеці.Маюцца адзінкавыя выпадкі захворвання на грып тыпу А. Усе захварэлыя — жыхары Бабруйска. Каб не трапіць у палон да зімовых вірусаў, медыкі цэнтра раяць прытрымлівацца асноўных мер перасцярогі — як мага часцей мыць рукі з мылам (у абавязковым парадку рабіць гэта перад ядой).

Знаходзячыся ў транспарце — пры перамяшчэнні на працу, а затым дамоў — не датыкацца рукамі да твару: носа, рота, вачэй. Прыйшоўшы дамоў, вымыць рукі. Не забывацца на вільготную ўборку памяшканняў, даваць доступ у іх свежаму паветру, болей часу бавіць на вуліцы. Загадзя (на выпадак захворвання) паклапаціцца пра наяўнасць у хатніх аптэчках гарачкапаніжальных прэпаратаў. Падчас хваробы — заставацца дома: звярнуцца ў лячэбную ўстанову альбо выклікаць урача на дом. Не забывацца ўключаць у штодзённы рацыён прадукты, багатыя на вітамін С.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.