Дзецям-сіротам — ільготны крэдыт

16 лістапада мінулага года Прэзідэнт Беларусі падпісаў Указ № 460, які прадугледжвае комплексную карэкціроўку ўказаў № 13 ад 2012 года “Аб некаторых пытаннях прадастаўлення грамадзянам дзяржаўнай падтрымкі падчас будаўніцтва (рэканструкцыі) альбо набыцця жылых памяшканняў” і № 563 ад 2013 года “Аб некаторых пытаннях прававога рэгулявання жыллёвых адносін”. Даць кампетэнтнае тлумачэнне пунктаў новага дакумента мы папрасілі начальніка жыллёва-камунальнай гаспадаркі райвыканкама І.Г. Пракопчык:

9ebdc23bca50a7ddd9f18a75ff7479e5— Пачну з таго, што нормы Указа № 460, у адпаведнасці з Каментарыем да яго, удасканальваюць парадак забеспячэння жыллём дзяцей-сірот і дзяцей, якія засталіся без бацькоўскай апекі. У адпаведнасці з гэтым дакументам ім будуць прадастаўляцца жылыя памяшканні сацыяльнага карыстання без уліку членаў іх сямей і тэрмінам на 5 год. Пасля гэтага жыллё будзе ўключацца ў склад жылых памяшканняў камерцыйнага выкарыстання. Пры гэтым дзецям-сіротам і дзецям, якія засталіся без бацькоўскай апекі, на працягу дзеяння тэрміновага дагавору найму жылога памяшкання сацыяльнага карыстання прадастаўляецца права на ільготны крэдыт тэрмінам да 40 год, у тым ліку ў пазачарговым парадку і без аднясення да катэгорыі малазабяспечаных. Працэнты за карыстанне крэдытам устанаўліваюцца ў памеры 1-го працэнта гадавых па аналогіі са шматдзетнымі сем’ямі. Дадзены Указ, акрамя таго, прадугледжавае аптымізацыю катэгорый грамадзян, якія маюць права на атрыманнне дзяржаўнай падтрымкі, змяншэнне памеру фінансавай дапамогі шматдзетным і маладым сем’ям у пагашэнні доўгу па ільготных крэдытах пры адмене ўсынаўлення ці ўдачарэння дзяцей. Каб забяспечыць рэалізацыю прынцыпу аднаразовасці атрымання ільготных крэдытаў, будзе весціся адзіная база даных грамадзян-атрымальнікаў дзяржаўнай падтрымкі. Памер ільготнага крэдыту будзе разлічвацца з улікам непрацаздольных дзяцей ва ўзросце старэй 23 год — інвалідаў 1, 2 груп.

Указ адносіць да ліку грамадзян, якія маюць першачарговае права на камерцыйнае жыллё ў сувязі з характарам працоўных адносін, асоб, якіх накіроўваюць на работу ў арганізацыі ў адпаведнасці з дагаворамі аб падрыхтоўцы навуковага работніка вышэйшай кваліфікацыі за кошт дзяржаўных сродкаў альбо на платнай аснове.

Таксама дадзены Указ змяняе парадак спагнання платы за карыстанне жыллём камерцыйнага выкарыстання, якое прадастаўляецца грамадзянам з першачарговым правам на яго атрыманне — на ўмовах дагавору найму на тэрмін працоўных адносін (акрамя аднапакаёвых кватэр) у межах 20 м. кв плошчы на аднаго чалавека трэба будзе плаціць з улікам паніжальных каэфіцыентаў, за астатнюю плошчу — без іх уліку (гэтым часам паніжальны каэфіцыент прымяняецца на ўсю плошчу).

У адпаведнасці з Указам № 460 забаронена пастаноўка на ўлік маючых патрэбу ў паляпшэнні жыллёвых умоў грамадзян, ва ўласнасці якіх у населеным пункце па месцы прыняцця на ўлік маюцца жылыя памяшканні, прызнаныя неадпаведнымі ўстаноўленым для пражывання санітарным і тэхнічным нормам, непрыдатнымі для пражывання, набытыя шляхам заключэння дагавору куплі-продажу, дарэння, абмену пасля прыняцця ў вызначаным парадку рашэння аб прызнанні такога жылля непрыдатным.
Дадзены Указ уступіць у сілу з 1 сакавіка.

Запісала Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.