У Бабруйскую раённую камісію па выбарах Прэзідэнта Рэспублікі Беларусь з просьбай прадаставіць памяшканні для правядзення сустрэч з выбаршчыкамі звярнулася, як адзначыў старшыня камісіі В.М. Казлоў, толькі давераная асоба аднаго з чатырох кандыдатаў на прэзідэнцкі пост — А.Р. Лукашэнкі.

Канстанцін Пуціла сустрэўся з выбаршчыкамі Бортнікаўскага, Варатынскага, Кавалёўскага, Цялушскага, Хімоўскага, Сычкаўскага, Гарбацэвіцкага, Глушанскага і Слабадкоўскага сельсаветаў.

Агітуючы выбаршчыкаў раёна аддаць свой голас за А.Р. Лукашэнку, К.І. Пуціла акцэнтаваў увагу на дасягненнях краіны за час яго прэзідэнцтва, знаёміў грамадзян з выбарчай праграмай кандыдата на вышэйшую дзяржаўную пасаду.

Алена КАРПЕНКА. Фота Юрыя ЮРКЕВІЧА.