З абласнога фестывалю вярнуліся з дыпломамі

5 дыпломаў прывезлі навучэнцы і маладыя педагогі Цэнтра творчасці Бабруйскага раёна з абласнога фестывалю ўстаноў дадатковай адукацыі дзяцей і моладзі “Віват, імперыя дзяцінства!”. Мерапрыемства прайшло ў бягучым месяцы ў Горках і ладзілася ў межах Рэспубліканскага тыдня ўстаноў дадатковай адукацыі.

Дыпломамі, у прыватнасці, адзначаны выстава выяўленчай дэкаратыўна-прыкладной творчасці і выстава “Магілёўская скарбонка”. Яшчэ трох дыпломаў удастоіліся маладыя педагогі цэнтра па выніках праведзеных майстар-класаў, дзе дэманстравалі сваё ўменне і навучалі іншых выкананню работ з халоднага баціку: абярэгаў, арома-мяшочкаў, роспісу дэкаратыўных каменняў.

Дарэчы, усе гэтыя работы як новы від творчасці дзяцей педагогі цэнтра дэманстравалі, у ліку іншых, і на раённых “Дажынках” у Вялікіх Ботніках.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.